أخواني وخواتي اسره هذا الصرح الشامخ منتديات غرابيل اقدم لكم هذه القصيده الرائعه للشاعر الجزل احمد الجريفاني والتي نشرت هذا اليوم الخميس الموافق22/3/1427هـ على صفحة مدارات شعبية بجريدة الجزيرة ولايستغرب الابداع على أحمد فهو شاعر جزل ورايع إليكم هذه القصيده كما نشرة
[poem=font="Simplified Arabic,3,,bold,normal" bkcolor="white" bkimage="" border="none,3,white" type=0 line=0 align=center use=ex num="0,black"]
لواهيب القلوب
ياشين قل الوصل من بين الأحباب = خصن ليا صار المواصل مكاتيب
حبن بليا شوف ذبحن للألباب = ما تغني العشاق كثر المناديب
(ولا تنفع الوقفه ورا زلفة الباب) = وشلون تطفي باالقلوب اللواهيب
في ديرتن وحده بعيدين واغراب = حتى المكالم بيننا يا الغضي عيب
معذور قلبن يجرع الهم لو ذاب = ومعذور لو شقيت من شانك الجيب
رفعت قدرك يا الغلى فوق الاهداب = الشاهد الله ربنا عالم الغيب
انك غرامي بين تلعات الارقاب = وان الغلى ما فيه شكن ولا ريب
بس افهميني شخص با الحيل منصاب = يسهر لحاله كيف يلحقه تثريب
لا من دعاه الشوق والشوق غلاب = قمة هناته شوف سيد الرعابيب
حسبت يا روحي لكم مية احساب = ابشرك رجال لو قيل يا ذيب
المرجله ما هي بتفتيل الاشناب = ولا كل شخصن يكسب المدح والطيب
المرجله ما هي صفة كل كذاب = اللي حياته كل ابوها عذاريب
المرجله للي ينالون الاعجاب = بافعالهم ويقدرون المواجيب
والحب ما درس على صفحة كتاب = ما له عدو ولا يعرف المعازيب
الحب من عند الولي رب الأرباب =ولا يقبل اللي يخلق الله تكذيب
أحمد الجريفاني [/poem]