[align=center][/align]
[align=center]
ياخادم البيتين
يامرضيً شعبك ..
آمين وألف آمين
رحماك من ربك ..
هي مجرد محاوله لِرثاء ذلِك القائد .![/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يموت الحزن في حضن القصيد ولايوفّي دين=وتتبعثر أحاسيس الألم والفاجعه " بركان "
يهز بلاد تاريخ وعروبه نبل ويّا دين=تفيت في سما رجلن زرع للحب فينا أغصان
وش أكتب والمصاب أكبر من أني أختصر عقدين=وش اكتب والكلام يذل والتاريخ به ينصان
وش اكتب والدموع تبلل أوراقً مداها عين=وش اكتب والمشاعر تختنق من زحمة الاحزان
وش اكتب و(الكلام) فحضرته يقصر عنه (مسكين)=أجل وشلون لامن غاب وصارت مسألة فقدان
رحل وجه الحياه اللي على عزه ربينا سنين=تعودنا على خيره وعاصرنا مداه ازمان
رحل رمز الشهامه والوفا والمكرمه والدين=رحل قايد مسيرتنا رحل طير الهدد حوران
رحل فهد العروبه ياعرب .! قولو معي آمين ..=جعل ربي يخلفه واتبّدّل دنيته بجنان
رسم للمملكه حيز وواكب كل عصر بحين=فتح للنهضه جسور وفتح للمعرفه ميدان
شموخ وحكمه وحنكه وقياده ونصره وتمكين=هدوء ولين للطيب صرامه وحسم للخوان
قضايا أمته تشهد .. معاها فالقسا واللين=يحل المعضلات ولايعرف الجبن والخذلان
فهد تشهدلك كويتً تعزوت بك وجيت معين=حميت الدار بعد الله .. طردت الخاسي المنهان
فهد همك جعلته في نصر قضية (ا)فلسطين=ووحدت الطوائف بعد ما ولّع جبل لبنان
.
فهد قايد فهد صارم فهد جازم على الغاوين=فهد "عادل" فهد "وافي" فهد "طيب" فهد "إنسان"[/poem]
[align=center]يموت اللي حياته خاليه مايفقدونه حين
وتبقى
يافهد
فقلوبنااا
مايلحقك نسيان .![/align]
[align=center]لكل بدايه نهايه
ولكل شروق غروب ..
وستبقى في ذاكرتنا ماحيينا ..
والبركه في إخوتك ..[/align]