السلام عليكم ورحمة الله وبركاته
اخواني الكرام
اقدم لكم هذه المتواضعه وارجو ان تنال لو القليل من اعجابكم
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياقلم خط الورق واكتب اكتـب ياقلـم=اكتب اكتب ياقلم واحبر احبر مايلـي
من هجوس ٍ كنها نار في راس العلـم=جتك تسبق حظها من خيـال ٍ ممتلـي
مانسخرهـا ياكـود لفريـدات الكلـم=كنها مهره وانا فـي ظهرهـا معتلـي
تنطح الميدان لاثارت الهيجـا , ولـم=تخذل اللي فوقهـا مدبـر ٍ او مقبلـي
كل ماتقبل على القـوم يلحقهـم بلـم=والصدور تشب منها وتغليهـم غلـي
بنت ياللي جابك الله وانـا كلـي ألـم=اشربي من دم قلبي ومن قلبـي كلـي
حسنك الطاغي تمادى على القلب وظلم=يااعذب اللي يلبسن الجواهر والحلـي
مارأت عيني ولاقلبي المسـرف حلـم=في بدايع حسنك اللي بلاني بـك بلـي
لا ولن يافاتنه فوقهـا اجزم بـلـم=عقب ناخت لهفتي في ثراكم ترحلـي
لحفيني في طرف رمشك وقولي هلـم=اشرب الموت الحمر وانهل اللي تنهلي
ولملميني من حياة العنا والجـور لـم=وارقي جبال الغلا واحذفيني من علـي
علمي قلب ٍ عن التيه تـوه مـا علـم=ادعجي له عينـك وعلميـه اليردلـي
شاعر عيونك يولـم قصيـد ٍ ماولـم=فالزمان الحاظـر وفالزمـان الاولـي
يا عذاب الشعر ألم تسمعين الشعر ألم=تسمعين اللي يحرك حواسيس الخلـي
ليت شعري في حراويك سلم واستلـم=كان يلقاني بنظمـه وحيـد ومختلـي
مير يبقى الشعر سالم وقلبي ما سلـم=في ديار الفاتنـه جيـت ادور مقتلـي
مادرى عني ياكـود الدفاتـر والقلـم=جيت ادور مقتلي عند لبـاس الحلـي [/poem]