.
.
.
مساء الورد والياسمين ...إلى أعضاء غرابيل الغااالين....
الجديد أيها الأحـِــــــــــــبة ....
يكون بلقائكم أجد وأجد.....
إليكم متواضعتي:
[poem=font="Simplified Arabic,6,skyblue,bold,normal" bkcolor="transparent" bkimage="backgrounds/26.gif" border="groove,4,gray" type=2 line=0 align=center use=ex num="0,black"]
جتني هبوب الشوق من بين لاماك =تروي ظما قلبٍ مع الوقت يرويك
أسعدتني وأسعدت قلبٍ تمناك =وهنيّتني في الحب ربي يهنيك
سكنت بعيونك وعشت بحناياك =وسكنت بعيوني وقلبي يداريك
لهفة خفوقي تنتظر يوم لقياك =ما به معاني عشق إلا معانيك
يا سيد قلبي كل هالكون يفداك =جميع ما في الأرض يفدى معاليك
وصيّتني بالحب والقلب وصاك =وأنا بعد مثله حبيبي بوصيك
احذر تناساني وأنا ما تناساك=واحفظ غلاي بداخلك دوم وأغليك
وأنا علي إني أقدرك وأهواك=وأدري بأن الحب ويّاي يحييك
وأنته عليك تحبني كل ما جاك = العاذل اللي في غرامي يعاديك
الورد كل الورد ينبت به أشواك=ألا أنا ارفق على لمسة يديك
الوردة اللي همها تطلب رضاك=وردة ولكن دون شوكٍ يأذيك
يا فارس أحلامي حياتي بلياك=رصيد فاضي ما يمشّي ولا شيك
هنا مكانك أو هنا أو هو هناك=أنا معك من وين رجلك توديك
*
*
*
أمل بنت عبدالعزيز
[/poem]