[align=center]السلام عليكم ورحمة الله وبركاته
حروفي تعجز تعبر
عن الخافي المدفون
عن اللي داخل أعماقي
وسط روحي وشراييني
كلام داخل عروقي
ومتخالط مع أنفاسي
كلام مبين بعيني
يسـرّبنـي بنظـراتي
ولا أقدر على التعبير
كلام مرتب بقلبي
ومنظوم مع أوزانه
وإذا ينطق به لساني
تزيد بقلبي آهـاتي
وأتعثر بها حروفي
حرف يغير المعنى
وحرف يفضح أشواقي
وحرف أندم على قوله
وحرف يكمل الباقي
وهذي هي معاناتي
مع حروفي مع أوراقي
حتى على الورق حيرة
يضيع اللي بخاطري كله
وتعاندني الحروف بدون
ما تحسب حساب الوقت
يروح الوقت بطوله
على مسكة قلم حاير
محيرني بوقفاته
لا العلة بحروف الشوق
ولا هي بعباراتي
ولا قل الورق عندي
ولا نقص بثقافاتي
أعيش مع الكتب دايم
وحفظت اللي تحويها
وفهمت كل معانيها
حتى بأرقام الصفحاتي
العلة بقلب متولع
ما يقدر على التعبير
ولا يخفف معاناته
ما يملك غيرها نظرات
هي أقلامه
هي أوراقه
هي لسانه .
وتقبلوا فائق إحترامي وتقديري .[/align]