أبيات متواضعة للتواصل فقط ..
[poem=font=",5,darkblue,normal,normal" bkcolor="transparent" bkimage="" border="none,4," type=2 line=1 align=center use=sp num="0,black""]
ياليت مابيني وبينك مسافات=حتى ليا منّي بغيتك لقيتك
واسلّي عيوني بشوفتْك ساعات=واروح ،، واليا اشتقت مريت بيتك
شوفتك ترسم للوجيه ابتسامات=يامسرفٍ فالعاشقين إتيكيتك
من زود حبي لك افكر بحاجات=لو أنت توكل من غلاتك كليتك
اتوق لك من بدة الخلق بالذات=واكذب ليا من قلت لك ما هويتك
اشتاق لك شوق الشقي للمسرّات=ولوتطلب عيوني وروحي عطيتك
أنا بدونك حيّ بعداد الأموات=والله لو يسمح لي الظرف جيتك
واعاتبك بإحساس وانسيْك مافات=واضماك شوق ولاشربتك رويتك
واشب قنديل السهر واشعل الذات=واثبت لك أنْ مافيه لحظه نسيتك
واسمّعك زفرات ترديد الآهات=واعلّمك معنى : لعلّك ياليتك
ليتك تجيني واسهر الليل ما بات=وانسيْك حيّينك و انسّيك ميتْك
مرّات احس بلهفتي لك ومرّات=اكذّب احساسي واصوّت : فديتك
ياليت مابيني وبينك مسافات=وياليتني لامن بغيتك لقيتك[/poem]
ْ
ْ
رد مع اقتباس
المشاركة الأصلية كتبت بواسطة صادقة الاحساس
