[frame="7 80"]بــســـم الله الـرحــمــن الــرحــيــم
الـسـلام علـيـكـم ورحـمــة الله وبـركـاتـه
((( الـجـديـد يـــا طـالــب الـجـديــد )))
هذه قصيدة جديدة بعنوان (( عتاب لأحد الاصحـاب ))
آمل أن تحوز على رضا الجميع في هذا الصرح الشامخ[/frame]
[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="none,4,gray" type=2 line=0 align=center use=ex num="0,black"]
يا لصاحب اللي خذاك إبليس في كمّه=أركد ولا تنجرف يا طيـر حورانـي
وأبحث عن الحق لا تخطيه وتخمّـه=ترى الركاده لها عند العرب شانـي
وإن جاك نمام ينقل لك ولـو نمّـه=فقل أسترح لين أشوف العلم يا فلاني
لو كان لـلآش لا خالـه ولا عمّـه=ولا نتب عن الحق يا رجال عمياني
الحق يا صاحبي فـي ذمتـي ذمّـه=ما يجهله غير من يغويه شيطانـي
أمّا من الأنـس وألا الجـن يختمّـه=ويحط له بالردى منهـج وعنوانـي
لكن بعطيـك رأيـي كـان بتضمّـه=جنّب عن اللآش لا يلحقك نقصانـي
جنّب عن اللآش لا يا تيـك بمطمّـه=وتخسر مكانتك عند أطوال لأيمانـي
وخاو الذي خوّتـه ترقيـك للقمّـه=ترى الخوي يا فتى له دور وكدانـي
أمّا تعليـت وألا طحـت بـا لجمّـه=ومن طاح ما ينفعه ربـع ٍ وخلانـي
من طاح يا صاحبي كل ٍ ترى ذمّـه=يصبح هدف للبشر لأقصين والدانـي
هاذي نصيحة من اللي وضعك أيهمّه=سطرتها لجل عينـك يـا كحيلانـي
سطرتها وأبتدي الموضـوع وأتمّـه=من هاجس ٍ للمعانـي دوم طربانـي
يطرب لعز الصديق وللعـدو سِمّـه=سِم ٍ يعيق العـدو لا مـال عقبانـي
أكويه قدم العـرب والنـاس ملتمّـه=ولا همّني من يشيل السيف شاما ني
سيفي صقيل ٍ يقص الرأس ويزمّـه=ويداوي الشره كـان إنـه تحدانـي
والصادق اللي يعد الصدق ما همّـه=قول الحقيقة يعدّه ويـن مـا كانـي
وصلاة ربي على المبعـوث للأمّـه=محمد المصطفى من نسـل عدنانـي [/poem]
رد مع اقتباس
المشاركة الأصلية كتبت بواسطة نـواف الشمــري
