[align=center]احبتي في منتديات غرابيل
اسعد الله ايامكم.......ولياليكم!!!!؟
متوااااااضعه ...!؟
بمناسبة قرب تخرجي من جامعة الملك سعود.!!!؟؟[/align]
[poem=font="Simplified Arabic,6,blue,normal,normal" bkcolor="transparent" bkimage="backgrounds/19.gif" border="none,4,gray" type=2 line=0 align=center use=ex num="0,black"]
هانت بعون الله وصارت تياسير=والحمل الاقشر قام يعلن نزوحه
راحت سنينه مقفيات ومدابير=كانت على قلبي سنينه شحوحه
والحمد لله ماحسبت المخاسير=سبحت في بحر شديد الملوحه
وقّفت في وجه الهوا والاعاصير=مع إن قلبي يتعبنّه جروحه
وحققت شي ٍ من طموحي مع الغير=وماكل رجال يحقق طموحه
ودقّيت بجدار المعالي مسامير=والحمد لله فيه علّقت لوحه
تحكي معاناتي كفاح وتباشير=ولا قدرت السر فيها ابوحه
احيان تتـزاحم عليّ التفاكير=واضحك مع العالم ونفسي مزوحه
والخافق همومه ورود ومصادير=هم ٍ يقرّبه وهم ٍ يشوحه
لكن عزاي إن القصايد مسايير=تلفي على صدر ٍ كثير جموحه
هدية ٍ من عند والي المقادير=تجول به مابين جيّه وروحه
ابيات فيها تحتمل الف تفسير= وابيات يقتلها غموض الوضوحه
زينتها باجمل فنون التعابير=قوافي ٍ عطر الجزاله تفوحه
ولبستها ورد وخزام ونواوير=وكوّنت لي من عالم الشعر دوحه
افخر بها عند الرجال المناعير=وكلّن على ماقيل جايز لروحه
وليا حصل فيها خمال ٍ وتقصير= العفو منكم والعذر والسموحه
ويالله جنبني التعب والمخاسير=وانك توفّـقنـــي لتوبه نصوحه !![/poem]
[align=center]مودتي وتقديري للجميع
عطاالله ممدوح المضياني - الخرج[/align]
رد مع اقتباس
[/align]
