[align=center]مساءكم سكر :
.
.
أخر ماكتبت .. أصدق ماكتبت .. لكم تحياتي على وفاءكم لـ ( مغترب ) :
.
.
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انا لو أطلب رضى الشهرة وأدورها = إن كان طاحت بيوتي قبل ماابنيها
ماهيب أغلى طموحاتي ولا أكبرها = ولاهوب عيب ٍ علي إن قلت ( مابيها ) ..!!
يكفيني هجوس فكري يوم أصورها = وتمر قلب الهنوف وتحتفل فيها
كني بها يوم تقرا حروف شاعرها = تموت .. والشوق قبل تموت يحييها
يوقف الدمع في روضة محاجرها = يالين تسمح له الذكرى وطاريها
هي ( رحلة العمر ) ( ماضيها وحاضرها ) = وهي ( طعم الاحلام ) ( حاضرها وماضيها)
من يوم غابت وتفكيري يسامرها = وتأخذني الذاكرة لأجمل لياليها
أطهر ليالي . . ولكن كانت أطهرها = الليله اللي حكت لي عن أمانيها
وشلون ليل الحزن يجرح مشاعرها = وغيابي إن غبت لو لحظة يبكيها
وقامت تردد على سمعي خواطرها = وحكاية أول لقا بالصيف ترويها
قالت تذكرت ؟؟ قلت شلون ماأذكرها = لكني أخاف .. مدري لو نسيتيها
قالت لي من أول القصة لاخرها = أعيدها كل ليله قبل أخبيها
لكن أبي منك ياروحي و ( سكرها ) = تكتب لي آخر قصيدة لاجل أغنيها
سجلت أجمل قصيدة وسط دفترها = وكتبت إهداء ( إني لك ِ أهديها )
قفلت دفتر غلاها قبل ماأشكرها = وقلت إن رحلت وطريت فبالك أقريها
قالت وغيبتك .. قلي كيف أنا أقدرها = قلت الرسايل إذا طوَلت ضميها
وإن كان جاب الزمان اللي يبعثرها = حبيب غيري . . أمانه لاتخليها
ودعتها ماقدرت ألمح عبايرها = أخاف من ( سكرة الموت ) وحراويها
ياشين الايام لو تغري مظاهرها = هذي بداياتها .. وش هي تواليها [/poem]
.
.
وللجميع وافر تحياتي ...
مغترب
12/5/2007م[/align]
رد مع اقتباس
المشاركة الأصلية كتبت بواسطة منصور الحربي
[/align]
