[align=center]القوافي اليوم في غرابيل
ارجو تكون على مستوى الذووووق [/align]
[poem=font="Simplified Arabic,7,white,normal,normal" bkcolor="black" bkimage="" border="double,4,gray" type=2 line=0 align=center use=ex num="0,black"]
ماكل من قال القوافي عدلها=ولاكل من يسرج له الخيل خيال
ولا كل من حاش المراجل بذلها=ولا كل من طب المعارك له افعال
ولا كل من حمل بمانه حملها=ولاكل من لبس ابيض الثوب رجال
ولاكل من يبغى المعاني فتلها=ولاكل من يشرح له العلم حلال
اشوف بعض الناس خربت مللها=معاد اميز بين صاحي ودجال
خربت مذاهبهااا وكثرت عللها=يظهرلك الطيب على قلب بطال
دنياك مسرعها ومسرع خللها=ياسرع مازالت ولو يومها طال
احرص على دينك والارحام اصلها=لا تشغلك دنياك ماينفع المال
وعند الحقيقة كلمة الحق قلها=وبعد عن الهين وعن كل محتال
وعرف حقوق الضيف لا تجتهلها=قدم له الميسور ياطيب الفال
المرجله ماكل واحد وصلها=والطيب له مبداء ومنهج ومنهال
اترك عيوب الناس وا ترك خملها=وحذر يجى عرضك فريسه للانذل[/poem]