[poem=font="Simplified Arabic,5,black,normal,normal" bkcolor="transparent" bkimage="" border="none,5,white" type=2 line=0 align=center use=ex num="0,black"]
وهذه قصيده أخرى متواضعه الي مبدعي غرابيل
(( ياطيف عشقي ))
على جريد النخيل اللي سفاه الهوى = طير الصباح أبدع التغريد في طلته
أطرب سموع الحياه بسجعته ماغوى = وأعماق نفسي مشت صوبه ولا ضلته
شوق عروق الفؤاد اللي بصبحه روى = من سلسبيل السعاده بعد مابلته
ياصبح ياطير صرتو للمجارح دوى = جرح العيون الظليله بالخفا علته
يدمي بوقت الجفا يشفي بطيفٍ ضوى = اللي سكن بالحشا والود مظلته
والحين واقع لقا ماهو مجرد روى = واقع تلاحم مشاعر عشت في حلته
قفت مواجع جفا في وسط قلبي كوى = واستنهض الخاطر المكسور من شلته
ياطيف عشقي ترى حبك غزى وألتوى = بين الحنايا على الخفاق في جلته
من وقت عادو ثمود الحب فيني حوى = ولازلت ابقدع منه وكيف من دلته
لو قلتي انسا زماني قلت مالك لوى = انتي مخايل بصدري والحشا علته
وخلي نديم الحسد من وصلنا ما قوى = دامي على سنة المختار في ملته
ياطيف عشقي مقامك مع خفوقي سوى = وتبقين في نظرتي لو دمعهاهلته
انتي على النفس مثل زلال عد الروى = ومحاسنك في كياني دوم محتلته
يضيق صدري وحزني ذيب جر العوى = على مراقيب قلبي دنيتي دلته
ويوم الزمن شن حربه منزلك ماهوى = لاجلك على الضيم نفسي سيفها سلته
لكن لاشفت وجهك قلت بدرٍ ضوى = شاع السعد من شعاع الوجه مع هلته
وحسيت كون الفساحه بالقشر مانوى = وحسيت بأرض البشر صك الرخا ولته
هذي صراحه وقلبي للجفا مااهتوى = في داخله قصر بأسمك والهدب فلته
بالحب يادنتي علقت رتبه لوى = وقتلت في رمح صدقي كذب مع زلته
ودام العتيبي على حبك نشا وأستوى = والله ليبقى ولو ياطا على ملته
واصلي سدلت الوفا بضلوع صدري سوى = والروح تترك جسد والحب ماخلته
الشاعر// عبد الرحمن مجاهد البراق [/poem]