[align=center]
الى الأخ اللذي لم تنجبه أمي .. فهد بن حمدان الفديد[/align]
[poem=font="Simplified Arabic,5,darkblue,bold,normal" bkcolor="white" bkimage="" border="none,4,gray" type=1 line=1 align=center use=ex num="0,black"]
نويت اترك الديرة واهاجر عن الاوطان =ولا النفس في شبه الجزيرة بملزومه
ابستبدل وجيه العرب في وجيه افغان = ابنظمّ انا للشيخ ابن لادن وقومه
ابستنسخ افكاره لتفكيري من الآآآن = وابستدبل ثيابي بنسخه من هدومه
ابلبس لي عمامه وثوبٍ عريض اردان = واشطب على الغتره مع ثياب مبرومه
ابعيش في جو الجهاد وهل الإيمان =عسى النفس تقضي تالي العمر مرحومه
الين اصبح ( ارهاابي ) بفهوم الامريكان = مصنف مع اخطر قائمة رعب مدعومه
اهدد سفارتها ببيروت في لبنان =وتحزّب ولاياته/..وباريسه ورومه
أُصوّر على الصفحات تحذير للسكان =وتجمّد حساباتٍ من المال /معدوومه .!
وانا يافهد يعلم بي الله عظيم الشان = فلا أنتمي لاية عصابة ومنظومه
ولا حزب بعثي او جماعات في ايران =ولااملك ..عن اسلحة الدمار اي معلومه
ولا لي مطامع في دعاية ولا اعلان =ولا اخطط لغايات واهداف مرسومه
ولكن زمانٍ يافهد شيب الولدان =يشيّب فتاة توه اليوم مفطومه
زمانٍ يابو ثامر غدى غير عن ما كان = تغيّر به اطباع الخلايق ومفهومه
وصرنا به نشووف العجب شوف بالأعيان.!=زمانٍ يورينا الظهر ساطع نجومه
اشوف ان كل الناس في صورة الانسان = واعيد النظر والقا براويز ملغومه
زمن يقلب التصنيف ويخلّ بالأثمان = عجزنا نفرق بين الاحرار ورخومه
صفاتٍ ذميمة صارت ترجح الميزان = وصفاتٍ حميدة صارت اليوم مذمومه.
بأطهر بقاع الأرض وجه الخيانه بان = تجلى قناع الخاين وبانت علومه
عسا الله يطوّل عمر ابو متعب كحيلان=يهين الظلام وينصف قلوب مظلومه
وانا دام لي عزوه وفيهم (فهد حمدان)=يموت العذول وتهتني عيني بنومه[/poem]
[align=center]
أطيب المنى لمن مر من هنا
..[/align]
رد مع اقتباس
المشاركة الأصلية كتبت بواسطة محمد الجبريني
