السلام عليكم ورحمة الله وبركاته
أقدم لكم هذه المحاورة القديمه بين خلف بن هذال وبين مستور العصيمي في الجنادرية عام 1405
خلف بن هذال
سلام مني وابى مستور ما أبغى غير مستور
................ وإن كان ما جيت يا مستور عطلنا السفينه
يا بحر يوجد على ساحلك طيارة وبابــــــور
............... لكن بعض إتصالاتك تجينا بالرطينـــــــــــــه
مستور العصيمي
يا مرحبا في محل ٍ يا خلف ساطع به النور
.................. أبني بها في جدارك من حجر ماهي بطينه
بينك وبين العلوم الاولات سنين وشهـــــور
.................. لا تقفل الريع لين ترد زوار المدينــــــــــــه
خلف بن هذال
الليله الملعبة حره ولا تصبر على الجـــور
................. وإن كان صاحت نبى نقرا عليها بالسكينه
صحيح من قال إن الكذبان ما يصرى من الزور
................. والرجل وشلون جى شاهد على قطعة يمينه
مستور العصيمي
العبد في دبرة الله يا خلف منهي وما مـــــــــــور
.................. عقول ما تنرهن وعقول فالمعنى رهينــــــه
ما جالس الا الرجال الطيبين الي لهم شــــــــور
.................. والكذب راعيه بين الناس يطلمنون عينــــه
خلف بن هذال
إن كان في سريتك يا صاحبي تايه ومغـــــــرور
..................... عدل سواقيك ولا قمت واطفيت المكينه
دنياك هذي يقولون العرب قامت على ثـــــــــور
..................... لكن لو حاص هذا الثور وش تحت الخزينه
مستور العصيمي
إن ما تبى صحبتي ماني على صحبتك مجبـــور
..................... الناس ما يقلطون الا على صحن السمينه
الله يعودك بخير وعافيه يا شهر عاشــــــــــــور
..................... لا تضحك الا على الي في زمانه ضاع دينه ((((((( معنى قوي )))))))
خلف بن هذال
أنا صديقك ليا بارت بك الصدقان لك ســــــــور
..................... سور ٍ يعديك عن شوف المذلة والغبينه
خل أرنبه ثم رمى قشه ضحى ثم كسر الكـــــــور
..................... يا شين بعض الخطا من عاقل المره يا شينه
مستور العصيمي
اللي يقابل عميله بالعلوم العمي والعـــــــــــــــور
..................... هذاك عزي لحاله ما يخلص عنه دينه
الله يكرم على راع السلف مشكور مشكـــــــــــــور
نبى نقابل جنوب سخاف وجنوب متينـــــــــــــــــــــ ـــــــه
خلف بن هذال
أنا ماقابلك غير بعلم يدخل من شق الــــــــــــزور
............. أقنع خصيمي ولا يجري خطا بيني وبينه
شوفك تردى لكن أسرح بالنظاره وناظـــــــــــــور
......... القايله والسراب يلاعبك مثل الطحينـــــــــــه
مستور العصيمي
يا ذيب وين أنت نايم والعلوم أخذت لها دور
............. الافي الي لفى من حرب ولا من جهينه ((((((((((((( معنى قوي )))))))))))))
اخوكم
أ/م/ العقد المنثور
رد مع اقتباس
