[align=center]
اخواني/اخواتي أعضاء هذا الصرح الشامخ
أتقدم لكم بمصافحتي الاولى متمنيا"ان تنال
بعض اعجابكم ويكفيها فخرا" ان تبقى بجانب
ابداعاتكم.
[/align]
[poem=font="Simplified Arabic,5,red,bold,italic" bkcolor="white" bkimage="" border="none,4,gray" type=2 line=0 align=center use=ex num="0,black"]
-
-
على شانك نظمت احلى القصيد وصادق الابيات = ولاغيرك من الخفرات أكتب له واغني له
-
وعلى شانك خذيت بدنيتي ياحلوتي سجات = وشلت بدنيتي حمل(ن) يعجز الوقت عن شيله
-
وعلى شانك عرفت الليل قمت اسامر النجمات = يسامرني نسيم الليل تجذبني تعاليله
-
وعلى شانك بليت الرِجل بالروحات والجيات = اطارد طيفك اللي ماترك عيني ولاليله
-
على طيفك اجاذب حادي الذكرى مع الونات = وحزن الليل يسري بي ويعزف لي مواويله
-
يداعبني خيالا" ماتناسيته ولو لحظات = يفز النبض من صدري واجر الصوت انادي له
-
وعلى شانك سريت الدرب نبضي يسبق الخطوات = ونار الشوق تركض بي على سرجه عل خيله
-
وعلى شانك عيوني من عناها هلت العبرات = عبايرها كماوبل(ن) تحدر من مخاييله
-
وعلى شانك يهون الجرح والآهات والطعنات = ويهون الدمع لامنه تحدتني هماليله
-
انا الوافي انا المخلص معك لين اخر الاوقات = اسوق العمر في حبك ودرب الموت بمشي له
-
دخيلك ياسحاب الوسم لاتخلف بك الهقوات = نطرتك ياسحاب وبارقك للحين انا اخيله
-
-
[/poem]