يا شامخة
شاعرك
ثار زناده
يبغى قصيدٍ فيك
فوق العاده
يا شامخة شاعرك ثار زناده
............ يبغى قصيدٍ فيك فوق العاده
يا اللي توشحتي العباة السودا
............ ومن الذهب دايم عليك قلاده
يا كثر من يهواك يا المحبوبة
............ لكن وصوفك تتعب القصّاده
الله ما أجمل صورتك في عيني
............ والله ما يشبه جمالك غاده
ودي أعيش العمر كله جنبك
............ وحجرك يصير إليا غفيت وساده
العام يومني غفيت بحضنك
............ وأضمّك لصدري نسيت اجهاده
ضمة غلا من قلب هام بحبك
............ ولا سأل عن هرجة النقّاده
عندي غلاتك غير كل العالم
............ وأشوف حبك فالحياه عباده
لا جيت يمّك ينشرح لي صدري
............ شوفك دواء قلب العنا وضماده
تلوين ارقاب الخلايق يمّك
............ لك هيبةٍ تخضع كبار الساده
يا اللي مقامك غير من يوصله
............ سافر له المغرم وخلا بلاده
ما ألوم قلبي لا بكى قدامك
............ لو هو عنيد تكسّرين عناده
يطوف بك قلبي ولا له لايم
............ ومشاعري في سكتك منقاده
وأهواك وأحبك وقلبي دايم
............ يشتاق لك لأنك طريق إسعاده
أقبلك وأسجد تحت رجلينك
............ يا الله عسى قلبي ينال مراده
رد مع اقتباس
المشاركة الأصلية كتبت بواسطة أبوعبدالرحمن
(الحزن الرغيد)
