[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
في ليلة (ن) نور القمـر قـد وصفهـا=نصف الشهر وسهيل عانق لـه نجـوم
شـرح لهـا طعنـات وقتـي وهدفهـا=تحت الحنايا .. عـاود الجـرح بهمـوم
والنار تحرق مـن وطـا فـي طرفهـا=ويش عاد لو هي في الحشا سيف مسموم
كلـه سبايـب بنـت قلـبـي شغفـهـا=غرو اشغلت قلبـي هواجيـس وحلـوم
لين اشتكـى صـوت الهـواوي نكفهـا=وامسى ورا الاسوار ظامـي ومظلـوم
صوت (ن) يضج بداخلي مـن عرفهـا=كنـه ينادينـي علـى كــل مـلـزوم
ليـن الـدروب اتـوه فـي منتصفهـا=صيف وشتا ورمال مـن فوقهـا غيـوم
وقفت وقفـه مـا حـد(ن) قـد وقفهـا=عطيت ما بيدي وأنـا صـرت محـروم
وأنا الوحيـد اللـي بقـى مـن سلفهـا=رجل(ن) يعرف الصقر من طاير البـوم
ما تدري إن الجـرح ضـاع وصدفهـا=خلى الامور تصيـر بأشكـال وحجـوم
[/poem]
علي أحسن منصور المكرمي
( الصـمـت الـثـائـر )
رد مع اقتباس
-new.gif)
