السلام عليكم ورحمة الله وبركاته
أنني أكتب الجزء الأخير على صوت صفير الرياح الموسميه
والبرد أشتد أشتد والحل ثوب العيسى <<< يا قدم الإعلان هذا
العيسى سمعت إنه عزل من بيع الثياب الشتويه وصار يبيع شرابات عن المساجد
^_^
===============
أنا مو قلت لكم في الجزء الثالث كنت بأحذف نفسي من الطيارة
لحقوني كل الركاب بما فيهم الطيار يقول كلنا بنطمر من الطيارة
والعالم صريخ وصياح ,,
قلت أنا بس لازم نعرف وش الديرة الي بنطب فيها !!
قال الطيار هذي جنوب أفريقيا ,,,,,
أنا أيقنت بالهلاك في الطيارة متفجرين وفي جنوب أفريقيا يا تأكلنا الحيوانات المتوحشه
أو آكلين لحوم البشر ...
بس وش نسوي لازم نواجه الموت الأهون ...
وأنا أقفز وأحذف بنفسي في وأفلت المظله ونزلت ..
وليتني ما نزلت ..
إذ بي وسط قطيع من الأسود وهم يصيحون ويقولون\\ هدية من الله هدية من الله
شحم شحم شحم ..
وأعض أسفل ثوبي وأنحاش وهم يطاردوني يطاردوني
وفي طريقي وجدت الملاحة اللبانية هابطة من السماء أخذتها وألقيتها للأسود
وهجموا عليها وتركوني <<< مالك صاحب
وكنت أنظر للناس ينزلون من الطائره
أما في فم أسد أو ذيب أو تمساح
وهناك أرنب واقفة على أرجلها وتدعوا الله تقول (( يارب تطيح جزره يارب جزره ))
وما بقى ناجي من الطيارة غيري أنا
رحت أبحث عن مكان أتخبى فيه مالقيت ..
وفي تسللي وحبوي على ركبي بين الأدغال ..<< الله الله ياللغه هههه
إذا بصوت يصيح بصوت عالي
(( كسرت رجلي يا حقير ))
أطالع يمين أطالع يسار مافيه !!!!؟؟؟
أين أنت يا صاحب الصوت ..<<< على بالي في جنوب أفريقيا لازم فصحى ^_^
قال (( تحتك يا دلخ ))
طالعت في مصدر الصوت لقيته جراده
نزلت لها يدي وقفزت على كفي وقالت (( انت أعمى ما تشوف ))
قلت والله من الخوف والخرعه ماشفت تحترجلي \\,,, الأسود تلاحقني ..
قالت أخبيك عندي في كهفي ..
وتبيت عندي وأعزمك على العشاء ..
والصباح رباح يا صديقي الجميل ..
(( شكلها سقطت عندي الجراده ^_^ ))
وذهبت معها إلى كهفها ...<<< متأثر بفلم مدبلج ههههههه
أخذتني الجرادة معها لكهفها .
وحنا في الطريق ..
طمر علينا ذاك الأسد المصيبة وزأر وقال وين بتروح مني يا وغد ..
أنا أنخشيت ورى الجرادة وقلت (( بدي أمي بدي أمي ))
قالت بندر وصمخ أركد خلني أتفاهم معه ..
وقالت يا أسد يا ملك الغابة الإنسان هذا دخيلي إذا تبي تأكله
تأكلني أنا قبله ..
قال لا لا الدكتور قردان ناصحني من أكل النواشف
وقال عليك بالدسم والإنسان الي معك بيكفيني الوقت كله ..
يا جرادة لا تحطين نفسك في موقف محرج معي .
قالت أنا علمتك العلم واخذه والله ما توصله الا بعد ما تذبحني .
وهو يزأر مره ثانية ..
والجرادة تأخذ وضعية القتال وكأنها بروسلي
وكل واحد منهم يطالع عيون الثاني ويتطاير منها الشرار .
وأنا ركبي تخبط على بعضها وقلبي الخوف يرقصه سامري ,
وفي الوقت هذا سمعت صوت إنسان مثلي !!
يصيح من فوق الأشجار يأأأأأأأأأأأأأأأأأأأأأأأأ أأأأأأأأي
إلا وهو رجال عريان بس مغطي نفسه بسعف نخل ..
ويطب بين الأسد وبين الجراده .
وقال يا ملك الغابة ( أدحر الشيطان وروح )
قال الأسد يا طرزان لا تدخل بيننا ,,
وبدأ التحديق الصحيح بين طرزان والأسد ..
=========================
الحكومه السعوديه بلغت أهلي إن طيارتي مفقوده وطالعوا عاد يوم
دروا أهلي ..
في بيتنا أمي تصايح وتبكي وتصب تايد على راسها ...
أبوي في الحراج يبيع أثاث غرفتي يبي يسدد فاتورة الكهرباء ,,
أخواني يلعبون في كمبيوتري يقولون فكه من الغثيث بندر
إن شاء الله تأكله سحلية ,,
الحكومة السعودية جاهده في البحث عني لأني ثروه نفطيه
لازم أموت في السعودية مو في أفريقيا علشان الزيوت الي في شحمي
تفتح ثلاث أبار نفط
أخوياي في الحارة (( يتفرجون فلم أفريكانو
بطولة أحمد السقا ومنى زكي كل يوم علشان يمكن يشوفوني
مع الحيوانات في البارك ))
=========================
وطال التحديق من المغرب حتى الظهر اليوم الثاني
ومافي ولا ضربة توجهة للأخر ..
وأنا باقي مرعوب وحالتي حالة ..
ولكن في هالوقت
طفشت وحمرت عيوني ووجهي صار لونه أزرق وأنتفخت مناخري
ووخرت الجرادة وطرزان عني ..
وقلت وش تبي يا قطو >>> أستفزه
وهو يهجم علي وأمسكه من ذيله وألفه ألفه في الهواء وأرميه
عهدي به متعلق بين السماء والأرض لا تقبله السماء والجاذبية ماصادته
شوي أسمع تصفيق كثير
لقيت الحيوانات كلها تصفق لي وتصفر وطرزان رافعني على كتفه
يقول بطل الغابه بطل الغابه ..
وبعدها صارت مصيبه
صارت مصيبه
صارت مصيبه
قويه قويه قويه قويه
جتني أمي وقالت يا بندر أصحى جيب لبن وشطه الغداء جاهز
أثاريني كنت أحلم ...
وهابي دريمز لكم كلياتكوووووم ^_^
وتابعوني في قصص أخرى
ومع بندر النايف مش حتقدر تسكر خشمك ^_^