الاخوه /اعضاء منتدى غرابيل الكرام
مساكم الله بالخير لتواصل قصيده متواضعه لم يسبق لها النشر مصافحه بعد الانقطاع الفتره السابقه ارجو ان تنال جزء من رضاكم إليكم،،،
[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
عسى البارق اللي جالمزنه رزيم رعود=سرت به هبوب النود وعيوني اتخيله
عساه ايتعدى لين يمطر على النفود=وعلى( حومت النقيان)يرخي هماليله
وياخذ ثمان أيام لاقيل خف يزود=يغج العروق وينبت العشب من سيله
تباشر به العربان وأهل الغنم والذود=ويفرح به العساس لاجاه ويحيله
منازل غزالٍ شق لأهل الغرام إلحود=عذاب القلوب اللي شكى القلب من ويله
تلاقيت أنا وياه صدفه بدون أوعود=وعرِض علي وقام يشر بمنديله
صغيرٍ غريرٍ فيه كل الحلا موجود=طويلٍ لطيفٍ ناعمٍ فاتنٍ جيله
تلفت علي وتل قلبي برمش السود=وتركني صويبٍ طايحٍ في محابيله
أقول أتركه ونساه وأتذكره واعود=اقول ابتعد عن حروت الزين وأجيله
غزالٍ ذبحني بالغلا ونتحى ياسعود= وزود على قلبي عناه وغرابيله[/poem]
وسلامتكم/ظافرالسهلي