المعرس و امه
ياربيه هالحر!! شلوون الواحد ينام فيه..الحين لو اني معرسه مو ابرك :واء:
كان وش حليلي و يازيني" <---حوطيه قسم بالله تفهم بالحقن خخخخ
و انخمد انا وجهي
و اتقلب و اتقلب .."وجع الله ياخذها مها اصغر مني بتعرس هالصيفيه!!"
و اتعوذ من ابليس " لا لا توني صغيرة..وشو عاانس.. يا جعل اللي بتعرس قبلي تموت قبلي"
نمت شوي و صحيت على هالمكيف يحرك شعري و يجي على وجهي يدغدغني<- - قسم بالله صارت لي اليوم خخخخخخ
نصف المخده سعابيل ، الشوشه منكوشه و العيون مختفيه و الخشة معفوسه و النفس مسدودة و ماهنا سباك ..
تروشت و نزلت اتغدى و انا على السفرة اشوف امي تطالع فيني و هي مبتسمه و ابوي يهز راسه و يقول أيييه يا حزم الضامي خخخخخخ و انا داجه انقي البصل من السلطه
قام ابوي يتحنحن مدري يتنحنح المهم انه يقول احم احم تحسّي يا مرة
امي:: شوفي يا بنيتي اليوم بيجونا ناس
انا:: طيب وش اسوي لك <---يحلفون انها تحدد السكسوكه
امي:: يعني تجهزي و تزيني لانهم جايين يخطبونك
غصييييت يوم سمعت سالفه الخطوبه ، و ابووي يسمي علي و امي تشربني مويه و انا شوي و اصيح ..تقولون كنهم انتخبوني مس البديعه خخخخخ
و اقوم اسلم على امي و احب راس ابوي و ابوس الملعقه و سييييدا على غرفتي
"ياا ربيييي..وش البس الحين وش اسوي بشعري و شلوون احط مكياجي و كيف البس جزمتي<---لا يا شيخه
قلت مبدهااش خليني ادق على مها سديقتي حبيييييبتي
و ادق عليها و الا يقولون لي اهلها انها في العنايه المركزة تفرش اسنانها مدري وش السالفه من الرجة اللي فيني قلت يتربى بعزكم و سكرت
جت امي و قالت لي البسي ذا و حطي ذا و ذاك و لا تكثرين
قلت تيب<---من الحين نتميلح
و انا اكشخ و اسمع الجرس و اطيييير على الشبااك ابي اشوف المعرس بس شكله ما جا و دخلوا الحريم و سولفوا شوي بعدين نادتني امي و معي دله القهوة
اول ما دخلت الحرمه بتسلم علي قمت مديت لها فنجال القهوة <---مبرمجه
جلست شوي الحريم يطالعون فيني وانا اسبل لهم بعيوني و العب بشعري و ارز جسمي و ادلع بكل قوتي
العجوز:: ما شالله لا اله الا الله وش تدرسين يا بنيتي؟
انا بكل دلع و رقه في هالعالم:: نسيت<---وقسم وقسم تتميلح
العجوز:: طيب كم عمرتس؟
انا مدهنتن لوزي بزيت تنعيم:: ههههههه 19 سنه عقبالك يا خالا<---امحق اسلوب
طلعت امي و خلتني بدون محرم مع ام المعرس و انا مستحيه و مرتبكه مدري وش اسوي..كنت حاسه انها الحلقة الاخيرة و ما ودي اطلع بدون نتيجه
و فجأة العجوز قربت مني و جلست تقز فيني و لا قز بنات شارع خمسة فرع عليشة خخخخخخ و الجو هادي و شوي و الا تقرب يدها مني بالحركه البطيئه
و انا اقول ياااااااا الله انك تعديها على خير ويييين راح ترسي؟
و بدت تلمس شعري و شوي و تدلك لي رقبتي و ابتسمت لي و بانت بقايا ضروسها
ما اخبي عليكم اني تخيلت ضروس ولدها مثلها بس قلت هالضروس و لا العنوسه!!
قاطعتنا امي وقدمت الشاهي و رجعت العجوز زي اول
بدت امي تسألها عن المعرس كم عمره و من وين متخرج و وش يشتغل و ..الخ
و انا بالي مشغوووول سؤال واحد يدور في دمجتي "وش/تبي/ذي؟"
"يلاا مو مشكله و الله مااخلي هالاجازة تمر الا و انا كاشخه برجلي عند سديقاتي" <---يا شين التفكير السطحي و الحوشي
شوي و الا راحت امي و هع ابتسمت لي العجوز و هالمرة بان لي لسانها<- - ياخي صايرة شكاكه هاليومين
طلبت مني اصب لها شاهي مع ان بيالتها زي ما هي ما تغيرت بس قلت طيب لعيووون المعرس بس أثر العجوز نيتها مثل خشتها
و انا رايحه للصينيه اجيب الابريق دخلت امي و جايبه معها العصير و جيت اصب للعجوز قالت لي تسلمين ما بعد شربت بيالتي
و انا اللي اطير حواجبي 7 متر مستغربه و امي تخزني بعيونها تقولي فشلتينا
سكت و طلعت و انا دميعاتي بعيوناتي
راحت العجوز و طرت عندي امي<---البزارين بيصدقون خخخخخ
انا:: " هاا وش صار؟"
امي:: ابد يوم الخميس بيجي المعرس يشوفك !
طرت من الفرحة<---قلنالكم لا تصدقون خخخخ و رحت لغرفتي احلل اللي صار و الله ما هضمت هالعجوز وش تبي مدري بس اهم شي اني ضمنت المعرس
وصرنا يوم الخميس لبست و تكشخت و جا المعرس
جيت بدخل قلبي يرقعععع خايييفه <--- الله لو انك داخله على إلياس الرحباني بطقاقات اكاديمي
جلست قد كذا "." و على طوول طلعت
و يوم جت امي تسألني هاااا بشري ان شالله اعجبك المعرس؟
قلت و الله حلوة جزمته<- - هذا اللي شافته
بس اللي عجزت اصدقه انه وافق مدري شلون<---الظاهر بالقرعه و العرس بعد شهر!!
دخلت غرفتي و قفلت الباب و بديت اشيك على عمري ."ياا ملح هالخشه ..ياروحيييي عالرزة .. ياا زييييين هالخصر يؤ وجع وجع وش ذا " الا ضاااق صدري " يااربييييييي وش السواات الحين؟؟ وشلوون بعرس؟! وش هالركب الله ياخذ هالخشه؟! <- - سعوديه و النعم
وبديت افكر كيف احمض هالنقتف و اصير زي بناات الـ ألبسي LBC<---و الا ما تلبسي كله وااحد
الزبدة<---حطوها بالثلاجه
1-لا عمرك تحبين و انتي صغيرة عشان لا تتوهقين و انتي تسبيرة
2-لا تغرك دعايات كلوركس البياض الناصع و هالخرابيط و اسالي مجرب
3-التميلح مضر بالصحه و سبب رئيسي لامراض القلب و دوالي الساقين