[align=center]مساء الخير
قصيدة بسيطة من قديم أشعاري أتمنى أن ترتقي إلى ذائقتكم الشعرية[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num=",black"]
قلتي علامك مادريتي علامي = يمكن تعلمك الليالي والايام
هماً بقلبي ماتشيله عظامي = ماغير ربي باللي اخفيت علاّم
واللي سواتي يالغلا مايلامي = يصبح علي الصبح ماقلت ابنام
خلي سهر عينك لعيني ونامي = ترى السهر لاحل طاريك ينضام
يامرويتني حب لاجيت ظامي = هايم على وجهي وكلي لك هيام
اليا احتويتيني نسيت الاسامي =انتي وبس اللي لها كل الالهام
نعم أحبك حب يعجز كلامي = أنه يعبر لك عنه لو بالاقلام
بعدك عذابي يوم عندك سلامي = ياحلم اشوفه ماتحقق بالاحلام
مير اسمعي ياللي ملكتي غرامي = قلبن يحبك جاوبي ليه ينلام
لايزعلك لاصرت للجرح كامي = خوفي عليك اكبر من جروح الاعوام
وأقسى حقيقة للأسف يامرامي = أنّا نعيش أوهام و اوهام واوهام
قلتي علامك ماني قايل علامي = اليوم مالي خلق من بد الايام[/poem]