قصيدتي في قبيلة عنزه "عيال وايل " بعد الهاشتاق المخجل الاخير وبعد ماصار يتكلم اللي ما يسوى مواطيهم على عيال الحمايل
يا صاحبي ياللي على الخير مقدام
لا يتعبك ياخوك هرج الرديين
تبقى يا بو عارف على مر الاعوام
عيال وايل للمراجل عناوين
يشهد لك التاريخ كله والارقام
يموت خصمك ما يعاند سلاطين
يا عيال وايل ما حسبتوا للاقزام
من خلقت الدنيا و عنهم رفيعين
لا يهمكم كلام حاسد و نمام
نشري قرابتكم ولو بالملايين
هاشتاقهم مبني على كثر الاحلام
وما ظني الحاجب بيعلى على العين
الله خلقكم عنهم كبار وحشام
وما يبتلى بالهرج كود الشجيعين
اخوكم : رائد ساير العوني