السلام عليكم ورحمة الله
جلس معي الحبيب الى قلبي احد الاصدقاء جاي من هناك من
مدينة الخير من العاصمه حقيقة رغم تحفضي على اسلوب كلامه
اقصد اللهجه حقتهم سامحه الله الى بالكاد افهم لها بس وش
اسوي احبه المهم الحبيب جايني يقضي شهر العسل في جده
منشقح (منبسط) الله لا يحرمه السعاده ,, المهم هو يوم جاني يجلس
معي مو محبة في خشتي (على قوله) بس المره عند اهلها وهو
عنده وقت ضائع قال خليني اطقطق على حس الصديق القديييييم هذا
واقعد معه ساعه .. الحبيب يوم جاني قاعد يضحك لاحرمنا
ضحكته ويقول مسكينه ويضحك ويقول مسكينه ؟؟!!
حقيقة انا وسوست وقلت الحبيب انهبل على كبر بعد الزواج
بعدين قلت يحقله متزوج وحده اصغر منه بعشر سنوات ليش ما
ينهبل الا ينهبل ونص ..
المهم الحبيب قعد يردد مسكينه ويضحك مسكينه ويضحك
قلتله يالحبيب وراك عسى ماشر اشوفك انهبلت .. قال
لا ياشيخ ما انهبلت ..قلت طيب منهي المسكينه هذي
رد عليه بسرعة البرق .. حرمتي الاولى ..مسكينه
طيب ليش ياخي مسكينه
قال ما درت اني تزوجت عليها .. وهي تحسب أني خارج
المملكة افلهااااا. على قولتها ..
قلت له لحظه لحظه ماني فاهم منك شي الله يوفقك فهمني
قال شوف يالحبيب هذي حرمتي غريبه مثل باقي الحريم
الواحده منهن تموت الف مررررررررررره بس زوجهالا يتزوج
عليها وكلهن بنفس المنطق لو درت الواحده منهن ان
زوجها تزوج عليها قامت الدنيا عندها وقعدت وطلبت الطلاق
وسوت زحمه لها أول ومالها اخر.. تقلها يابنت الحلال
شرع الله وانا ما سويت شي حرام وانا والله ان احبك وانت
الغالية ومعزتك مثل ماهي واكثر بس ودي اتزوج لاني استطيع
التعدد ولا عندي مشكله .. تقلي لا لا لا سوي اللي تبي
بس لا تتزوج لا تتزوج عليه ياخي سافر وروح وفلها بس
اياني واياك تتزوج عليه .
شايف كيف عقلها منكوس فيه مره تحوج زوجها يفلها
بالحرام وترفظ الحلال ..
هذي مشكلة حريمنا الله يهديهن يضيقن على ازواجهن في
الامر الحلال مما يضطر الواحد الى ارتكاب المعاصي والا
يحوجنه على المسيار والمسفار والزواجات المشبوهه
اللي انت عارفها ..؟
ياخي زوجتي وزوجات كثير من الرجاجيل المقتدرين على
الزواج مره ومرتين وثلاث واربع ليه الوحده بدل ما تكبر
راسها وتطاوع وسواسها وتحوج زوجها على الانحراف ليه ما
تلعن الشيطان وتكون مره سمحه ومدامها شايفها زوجها كفء
ليه ما تكون عون له على الخير عسى الله ان يباركلها
ويرضا عنها اذا علم الله انها وقفت مع زوجها وكمان لا تنسى
فيه شريحه كبيره من البنات عندهن ضروف تجبرهن الزواج
من متزوجو ما عندها مشكله تكون مره ثانيه او ثالثه او
رابعه .. المهم انها تنستر وبذلك تكون الزوجه الاولى
ضربت عريسين بحجر (اقصد عصفورين) زوجت زوجها وعصمته من
زوغان عينه هنا وهناك وايضا تسببت في ستر بنات الناس
العوانس والارامل والمطلقات ..
لا .. بدل ما تسوي كذا تدري ايش تقولي زوجتي تقول لي
سافر برى وفلها بس لا تتزوج عليه .. سامحها الله
(هوانا بتاع الحركااات دي )
عشان كذا قاعد اضحك واقول لها مسكينه لأنها تحسبني خارج
المملكة وانا عندكم معرس :فوشي:.. انتها كلامه
حقيقه انا قعت افكر في كلامه وقلت في نفسي
من جد مسكينه بس ما ضحكت
اخاف يصفقني
بس بعدين جلست افكر في كلامه وجدته منطقي
في رأيي الشخصي انه على حق
بس ودي مشاركتكم في الموضوع
من الجنسين ونشوف اخرتها ..:واو: