تساؤلات للقمر ..... ليه ؟؟؟؟؟

[عبدالعزيز عبيد العدواني]

[align=center]في فجرية يوم قريب رأيت القمر وبداخله سواد وهذا السواد أوجد لدي تساؤلات كثيره خرجت

كما هي لتعانق صفاء هذا القمر الذي إستغربت وجود هذا السواد الذي لم يعكس الضوء كعادة

القمر وفي هذا المكان منتدى الجميع منتدى غرابيل ولدت هذه القصيده لتبرهن لي أن هذا

المنتدى هو الرقم الأول في مفضلتي وإليكم نبضي كما هو :[/align]



[poem=font="Simplified Arabic,5,darkblue,bold,italic" bkcolor="transparent" bkimage="backgrounds/45.gif" border="groove,4,darkred" type=1 line=0 align=center use=ex num="0,black"]
اليوم اشوفك ياقمر في داخلك كتلة سواد = إلا كتل متراكمه وشفيك قل لي يا قمر

اقول لك ما فيه داعي للجواب وما استفاد = إلا تراتيل السؤال اللي مع الخافق تمر

ايقنت بالواقع وهذا حال من حال العباد = ظلمه وبين نورها تعكس مفاهيم العمر

( اهااااااا ) توي أكتشف سود النوايا والمراد = اني أجاوب لحظة التفكير في وقت السمر

ليه الحباري تنتشر يا صار وقت(ن) للهداد = ليه العساكر ماتروح ولا تجي إلا بامر

ليه المزارع ما اكتفى بالحرق عن نثر السماد = ليه البخور اللي يفوح بداخله عطر وجمر

ليه الفرح يلبس بياض وليه الاسود بالحداد = ليه الكرز ليه الكرز ليه الكرز لونه حمر

ليه الأسامي تختلف يا قلت ود او يا وداد = ليه البشر تقرا و تنكر سيرة الوالي عمر

ليه اليهود استوحشو من طاري(ن) فيه الجهاد = ليه الشجر طلعه من اشواك وورق وايضا ثمر

ليه نتعجب من سموم الريح في وقت البراد = ليه نتقاعس عن عنا التفسير بايات الزمر

ليه العيون اليا بكت صاحت معاليق الفؤاد = ليه السيوف الطايله دون الكراسي تنشمر

ليه الحطب يصلى بنار وينتهي عمره رماد = ليه النخل بالشكل واحد واختلافه بالتمر

ليه وبعد ليه وبعد واجد سؤالات(ن) جداد = من يوم شفتك ياقمر تحمل سواد(ن) مستمر

وانا بعد يوم(ن) شلع بي خافقي فوق ارتداد = من فوق صرخه من قهر من دون دمع(ن) منهمر

ابكتب اللي خالج الوجدان واسرج لي جواد = يا شاف سور المعرفه يطمر طمر يطمر طمر

شفت النصايح في قوالب من تشفي وانتقاد = واللي نصح ماهو خلي إلا هزيل ومندمر

وشفت الجهل يمشي مع العالم مثل ممشى الجراد = كل(ن) يحسب انه فهيم ويا نشدته منغمر

في مدح من حوله ويحسب كل ما قاله وكاد = ومن حج حج ومن بغى زوده مع الحج اعتمر

شفت العقول الخاليه تنقص ولا فيها ازدياد = تشرب فناجيل الهوى تسكر ولا تسكر خمر

واليوم اشوفك ياقمر في داخلك كتلة سواد = إلا كتل متراكمه والعلم عندك يا قمر[/poem]

[محمد الدغيري]

حجز (( 1 ))

[محمد نايف العتيبي]

.


.



2/ بكل شرف



.


الشاعر : عبدالعزيز العدواني


.


بيض الله وجهك والله يعطيك العافيه


ابيات في قمه الروعه والابداع

بحر فكره قافيه ... الخ كلها جزاله في جزاله


صح لـســـــــااااانك لاهنت



دمت بخير


محمد بن نايف

[طيف]

[align=center]3 / بكل شرف


صح لساااااانك أخوي

وتسلمـ اناملك

وبيض الله وجهك [/align]

[فخر أهلها]

[align=center]صح لساانك عبدالعزيز

مدد بلاعدد
ابدعت وامتعت

تقبل مروري[/align]

[عبدالعزيز عبيد العدواني]

حجز (( 1 ))

وحجز ينقل المتصفح إلى أسمى معاني الحرف


بانتضارك عزيزي

[احمد مناحي]

عبدالعزيز العدواني

هلا بك وغلا

صح لسانك الى رضاك

ياوجه الله وش هذا ياعبدالعزيز اجمل ماقرأت في الاونه الاخيره ...

قصيده غير وشاعر غير تمكن من كل ادوات النجاح ...

روعه في كل ماتحمل الكلمه من معنى..

ابي اختصرها لك يالعداوني ..

سلموا لي على الشعر الصحيح ...

تقبل مروري

[جواهر عبدالله]

ليه الحباري تنتشر يـا صـار وقـت(ن) للهداد
ليـه العساكـر ماتـروح ولا تجـي إلا بـامـر
ليه المزارع ما اكتفى بالحرق عن نثـر السمـاد
ليه البخور اللي يفـوح بداخلـه عطـر وجمـر
ليه الفرح يلبس بياض وليـه الاسـود بالحـداد
ليه الكرز ليه الكـرز ليـه الكـرز لونـه حمـر

.

.

عبد العزيز العدواني

.

.

أبيات من أجمل ما قرأت هذا اليوم
صح لسانك مليون ولا يوفون
ودمت مبدعاً .

[عبدالعزيز عبيد العدواني]

.


.



2/ بكل شرف



.


الشاعر : عبدالعزيز العدواني


.


بيض الله وجهك والله يعطيك العافيه


ابيات في قمه الروعه والابداع

بحر فكره قافيه ... الخ كلها جزاله في جزاله


صح لـســـــــااااانك لاهنت



دمت بخير


محمد بن نايف

وأنا وبكل شرف عانقت هذه الكلمات الساميه التي ترتقي بالفكر والشعور


دمت على الصفاء


لك محبتي

[أبوعبدالرحمن]

عبدالعزيز العدواني


صح قلبك وكلك


وسلمت اناملك

جزلة ومن شاعر جزل


تحيتي لك

[خــــالـــــد]

[align=center]
عبدالعزيز العدواني
ـــــــــــــــــــــــــ ــــــ
صح لسـاانك وقلبك

قصيدة رائعة

لا هنت يالغالي
ـــــــــــــــــــــــــ ــــــ
أخوكـ/خالد
[/align]

[عبدالعزيز عبيد العدواني]

[align=center]3 / بكل شرف


صح لساااااانك أخوي

وتسلمـ اناملك

وبيض الله وجهك [/align]

الشرف تواجد أمثالك


لا هان وجدانك على هذا الهطول العذب


كوني بخير

[عبدالعزيز عبيد العدواني]

الشاعره / فخر اهلها


حضورك الفاخر هو الجمال بعينه


لا عدمنا هذا التواجد المشرف


لكي من الود أجله

[عبدالعزيز عبيد العدواني]

عبدالعزيز العدواني

هلا بك وغلا

صح لسانك الى رضاك

ياوجه الله وش هذا ياعبدالعزيز اجمل ماقرأت في الاونه الاخيره ...

قصيده غير وشاعر غير تمكن من كل ادوات النجاح ...

روعه في كل ماتحمل الكلمه من معنى..

ابي اختصرها لك يالعداوني ..

سلموا لي على الشعر الصحيح ...

تقبل مروري

مشرفنا القدير / أحمد مناحي الشمري


أهلا وسهلا بك دائما في متصفحي المتشوق لهكذا حضور


حروفك يصعب مجاراتها


أتعلم ما السبب ؟؟؟؟


لأنها من القلب وما جاء من القلب سيخرس الألسن


وما أملك في ردي إلا أن أقول


دمت لنا مشرفا راقيا وشاعرا مبدعا


لك الحب

[عبدالعزيز عبيد العدواني]

ليه الحباري تنتشر يـا صـار وقـت(ن) للهداد
ليـه العساكـر ماتـروح ولا تجـي إلا بـامـر
ليه المزارع ما اكتفى بالحرق عن نثـر السمـاد
ليه البخور اللي يفـوح بداخلـه عطـر وجمـر
ليه الفرح يلبس بياض وليـه الاسـود بالحـداد
ليه الكرز ليه الكـرز ليـه الكـرز لونـه حمـر

.

.

عبد العزيز العدواني

.

.

أبيات من أجمل ما قرأت هذا اليوم
صح لسانك مليون ولا يوفون
ودمت مبدعاً .

جواهر العبدالله


يسعدني بأنها لاقت إستحسانك


أخجلتي الحروف بهذا الحضور الراقي




تحياتي لصفائك