نرى الكثير من الاشياء التي تسلط الحزن بجميع قلوب المسلمين والعرب عامه
ولكن لظروف معينه نرى السكوت هو ابلغ الحديث
ما جعلني اكتب هذه القصيده
اسباب كثيره منها اثناء سفري الى احد الدول الغربيه وجدني احد الاشخاص سيئ الخلق لظروف خاصه
فا جأني بكلاماته لا داعي للقلق انت عربي يعني بدون تفكير تعيش تفكير ولو كان بسيط تموت
فحملت مسؤليه هذا الكلام من ذاك الشخص العروبه هي السبب الرئيسي
[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
طاقاتنا ماتت من العام خمسين=ماباقي الادمعة العين حيه
بس للسوالف كلنا مستعدين=والا الحقيقه مالنا بالقضيه
انا بديواني احرر فلسطين=وكل من سمعني قال فيك الحميه
لكن صراحه مابنا عز للدين=ولا نفكر لا ولا فيه نيه
حنا شعوبٍ فالملاقا ذليلين=نخاف من صوتٍ دوت به شظيه
نبي امان وعيشة المستريحين=ونقضي عمر مابين روحه وجيه
ومن فوق ذلتنا نسوق الملايين=نعطي ولاناخذ بدال العطيه
شف الكرم فينا وصل حده لوين=نقنع بذلتنا بنفسٍ رضيه
واكبر دليل الجامعه والسلاطين=ماعبرو لو في حروف ابجديه
بعلامنا هذي سياسة حكيمين=وبوضاعنا عشنا حياةٍ رديه
لاتسئلوني ..كيف ؟؟ وشلون ؟؟ ومنين=رحوا اسئلوا حكامنا اليعربيه
قولوا انجبررنا في حروب الميادين=نبي امر لجيوشنا المعصميه
او قولوا ان الذل بأرض المساكين=والمسلم اخو المسلم بكل شيه
والا انا ماني مشارك فلسطين=لاني صراحه ماني قد القضيه[/poem]