[grade="0000FF 0000FF 0000FF 0000FF 0000FF"] بسم الله الرحمن الرحيم
الله يصبح اللجميع بالخير
اقدم لكم هذي المجالسيه وهي لوالدي أطال الله في عمره وحفظه
وأمده بالصحه والعافيه .
وهي قصيده بلسانه.
ومن اروع الشعر ان يبدع الشاااااعر وفي نفس الوقت يرد على نفسه ,
على مابدع من ابياته والقصيده يعبر فيها والدي عن ثلاثه اشياء
الكبر اي تقدم السن والعمر .
ثم بعد الكبر
ياتي
الشيب عندما يكبر الانسان . يشيب يالله حسن الخاااااتمه
ثم بعد الشيب وسمي في القران الكريم( النذير ) ماذى ياتي
طبعاْ معروف نهايت كل انسان .,, ((( الموت )))
الموت
هااااادم الذات
اترككم مع القصيده ويتخلل ابياتها نصيحه للشباب يامعشر الشباب
يامعشر الشباب النصايح كانت بفلوس أيقولون , واليوم بلاش ؟
القصيده كماهي رويتها عنه ولعلها تنال بعض اذواق المتذوقين
للشعر ولهاذا النوع خااااااصه [/grade]
[poem=font="Arial,5,darkred,bold,normal" bkcolor="white" bkimage="http://www.sfsaleh.com/vb/images/toolbox/backgrounds/1.gif" border="double,4,limegreen" type=0 line=0 align=center use=ex num="0,black"]
يازين انا باغيك لا حل طاريك = لاكن جا من دونك الخوف حاديك
لا تقدر اتجيني وانا مقدر اجيك = والزول مايمشي لان الله يمشيه
ياليتنا يالزين يومي نشوفك = لون مالي مصلحه بامعروفك
لونك اطرفلنا مانحوفك = قلبي قنوع وشوفت الزين تقريه
يازين انا منكم بذمه بريه = على الصحيح ومع دروباْ نقيه
لو انك أتسرح وتضوي عليه = عليك أمان الله وامانً نوفيه
درب الغوي فيه الغلط والمهونه = وش حالت اللي فالغوى يالزمونه
لو ربعته ضفران ماينفعونه = مايفتكر في مايصيبه ويخطيه
واليوم جات أعلوم منها الزعاله = بعد المزايد والضفر والشكاله
الكبر خل الرجل يقعد لحاله= والي يعلم بالدريا ما نوحيه
بيني وبينك يالكبر جت خلافه = وانا منول كنت في الثقافه
وشبك تجيني مع دروب الضعافه = عزالله ان الضعف ماثاب راعيه
اثرك ناويني وانا مانويتك = لو تنشكي فوق الحكومه شكيتك
تلقي عليك القبض وتهد بيتك = كله جزي في عدلك اللي مسويه
قال الكبر جيتك وليه مواعيد = لادونها ننقص ولا سدها ازيد
واثبت لياردت علي المراديد = ستين عمرك والتعب ماتدانيه
خل التعب للي ذوانه شبابي = والمخطيه ماهي سوات الصوابي
الربعه اللي مرجلتهم ثيابي = ذا ثوب يرميبه وذا ثوب يشريه
يتابع الاخبار يبي خبرها = والمرجله في خاطره ماذكرها
ماني معمر دار مالله عمرها = ولا مقوي حض مالله مقويه
عندي نصيحه ياالشباب اسمعوها = هاتولها حبر القلم واكتبوها
والي مضره فوقكم جنبوها = كبو شراب التتن وحسو بلاويه
انصحكم الدخان لاتشربونه = اول فياد اهله يقلع سنونه
واللي يحطه مرجله واغبونه = يمرض مرض حتى الدوا مايداويه
والشيب وشبه يوم فوقي تمدى = يبي يميلني وانا فالمعدى
وانا كنين السد مابحت سدى = واشبه عليه يوم كثر دعاويه
يالشيب سايرني ليا عند قاضي = والحق يرضيني وبالحق راضي
ويقولي الشيب ماني بفاضي = واحد امره صبح والاخر امسيه
يالشيب جت فيه قليله شواريك = اخذك بالمنقاش والنتب يخفيك
وان رحت للمسئول مايستمع فيك = والي بغير اشهود تفرغ دعاويه
ويقول لي الشيب مفعولي ايبين = وليا نتبتو وحده جات عشرين
انا مقاولكم وحطيت تموين = مايختفي تمويني اللي مسويه
ويالموت ليش اتشيل ذرفين اليمان = الي لهم في ساعت الضيق عنوان
اشتلت ابو شداد وابو ضبيان = وكم واحداْ شلته وقفت لياليه
واشتلت ابوي وشلت عمي وخالي = حمايت الموقف نهار القتالي
حمايت الموقف لهم حض عالي = يو الحريب اللي يقسم عداويه
يالموت ليش اتشيل شارب غنيان = وتشيل عمر وثابت ابو خبيتان
الربعه الي فعلهم فالعدى بان = قضايت الناير لياصاح راعيه
ويقول لي الموت انا جيت زوار = مرسلني الخالق لوافين العمار
والمسعد الي مايعذب على النار = والي سلم من صخط النار يحييه
يحييه نهار البعث والنشوري = ويطلعه من مضلمات القبوري
في مطرح مستر كل السروري = مستر والي يطلبه كله أيجيه
وختامها ذكر النبي عد اليام = وعداد من حجو وعداد من صام
عساي لاضالم ولا كون ضلام = ينجيني الله مع من الناس ينجيه [/poem]
[grade="0000FF 0000FF 0000FF 0000FF 0000FF"]وسلامتــــــــــكم [/grade]