[align=center]
السلام عليكم
مساء الخير
قصيدة بسيطة أتمنى أن ترتقى إلى ذوائقكم العالية[/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/24.gif" border="none,4,gray" type=1 line=0 align=center use=ex num="0,black"]
يعني خلاص ... ابتتركيني لحالي = حتى وانا مثلك بعد ميتّاً فيك
من لي بدونك؟!! جاوبيني سؤالي = قلته وانا من لوعتي بس اناديك
سهران انا مانمت ليّه ليالي = تكفين ابغفى لحظة (ن) بين اياديك
طاري غيابك بس لامن طرالي = يلغي وجودك لو عيوني تراعيك
ماللفرح في وسط قلبي مجالي = حتى معاليقه لحزني مماليك
أبكي على وقتن بقربك مضى لي = واليا تعالت ضحكتك يوم احاكيك
أجمل كلام الحب لجلك يقالي = حتى الشعر للغير دايم يغنيّك
كتبت فيك من القصيد الجزالي =ومهما كتبتك يالغلا ما أوفيّك
زين وقوام وفوق هذا دلالي = يااحلا حلا مافيه من هي تحاليك
والله أحبك حب فوق الخيالي = ولابه احدن في حياتي يساويك
ياغالية يفداك من كان غالي = أقولها من قلب صادق ويغليك
أنتي لي الاحباب أول وتالي = وأحلى الأماني في حياتي أمانيك
حالف ولو رحتي بقيتي قبالي = مثل الجهات الأربعة دايم امشيك
كل ماسالتيني انا كيف حالي = تجاوبك عيناً على طول تبكيك
وان كان جيتي يوم تبغي وصالي = باقول لك تكفين واللي يخليك
انا كريم ومن كرام الرجالي = ماارضى عليك انك تخوني مباديك
حتى لو ابقى طول عمري لحالي = روحي عسى الله في حياتك يهنيك..![/poem]
[align=center]
فايز الحربي[/align]