أبوي رباني على الطيب من جـد
ما قال لـي يافـلان رد الشتيمــة
ترى الردي لا من سفهتـه تنكّـــد
يموت في غيظه ونفسـه سقيمـة
وأنا أعرف أن به ناس دايم تهبّـد
مرضــى نفـوس مدوريـن النميمــة
خلك من اللـي لا تحاكــا تجــــرّد
على الكلام الشيـن يذبـح تميمـة
أبـو حجـاجٍ لا نظرتــه معقّــــد
خبيث نفسٍ ولو بخصتـه بهيمـة
درب السنع عنه يحيـد ويتصـدّد
يسـوق رجلــه للــدروب اللئيمـة
اللي على الحرمة يموت ويتوجّـد
غاية مناه تـذوق منـه السقيمـــة
عنتـر زمانــه لا حكــا ثـم تنهّـد
يعد روحة بيـن ربعــه صتيمــه
يا بوك أنا شايـبٍ وشيبـي تعــــدّد
أبخص ردي الساس وأهل الشكيمة
خلك مع اللـي بالمراجـل تشــدّد
الطيبين أهـل العلـوم الحكيمـة
الصاحب اللي لأجـل خلـه تكبّـــد
كل العنا ما قـال هـذي ظليمـه
فلـة حجــاجٍ لا نصيتــه تعمّــــــد
يسوق نفسه مـا حسبهـا بقيمـة
هذا نصيحـة كـان ودّك تجـــــوّد
أخذ الكلام الزين وأتـرك دميمـة
منقووول
الشاعر /// بدر العجمي
رد مع اقتباس
-new.gif)
