*الأبيتر : قرية جنوب حائل
[poem=font="Traditional Arabic,6,darkred,bold,normal" bkcolor="transparent" bkimage="" border="double,4,chocolate" type=1 line=0 align=center use=ex num="0,black"]
نمنا بنصّ الليل والفجر صاحين=قبل الأبيتر والجبال المبنّاه
أزوالنا مثل العيال المجانين=اللي مصايبة الزمن في محيّاه
أذّن أبوي وصفّنا كالمصلّين=ويوم إن خلصنا من الصلاة الموصّاه
صلّحت أنا دلّة شمالي حمر عين=فنجالها ماينعرف وش خباياه
ثم نقزنا مثل روس الشياهين=من فوق جمس وافي في مزاياه
تسعة وسبعين على العسر واللين=أربع مية وأربع وخمسين بحذاه
أحمر ورفرف مايحب القوانين=يصقع على أمبيره من الصفر لأقصاه
نمشي بهون ولالحقونا مساكين=كل تلفّت يم راعيه ينخاه
يامر أبوي أرجع القير بـ إثنين=واليا إحتمى من زود هبده رهجناه
يسمع هديره من سكن في فلسطين=كن القنابل حسّها من زواياه
يقولها بندر بن سرور والحين=بآقولها وآسد أنا كل الأفواه
مايركب الجمس الحمر كود شخصين=إمّا سلاطين الشيوخ المسمّاه
وإلا الفقير اللي تحمّل به الدين=لجل إن يحمّل فوق متنه بلاياه
القلب يشكي من فراق المحبين=وأنا أدوّر لي حبيب وأبلقاه
إن طال عمري أو قصر فالي الزين=ماخون عشرة واحد مقدر أنساه
مـــاخــون عــشــرة واحد مــقــدر أنــســاه[/poem]