هييييه هيييه <<فرفشوا حضورنا الكرام أنتم في جناح خمس طعشر قسم الفرفشه وسعة الصدر
أجدعوا همومكم ورى ظهوركم وتعالوا نتكلم عن أيام الزواجوالخطوبهوملحقاتها
عووووووووووووووون <<<دخلت بالموضوع طوالي
كنت منسدحتن على الأرض وأعييناتي مغير تبارى (تدور)
وأناظر سقف الغرفه
وأناظر
وأتأمل
واتفكر
ويخطف عريس الغفله وهو على جواده الأبيض<< تراه مايقرب لذلك لاحد يروح بعيد
وأنقلب على جنبي اليسار
وتطيح من عيني دمعة أنتظااار لهذا الفارس المغوار 00أبك وينك ورك تأخرت تهي تهووو
لقد أنه خلى البيت علي
ومابه غير أنا
وتعبت من تنظيف البيت
وتعبت من كثر تعالي
روحي
جيبي
زيني
حطي
شيلي
تعببببببببببببببببت
أبي أتقوز <<< عيب يابنت أستحي
ميخالف محد يسمع غير نفسي خلوني أفضفض شوي
وأنا في غمرت تفكير 000
طن طن << جرس الباب
أبك من هاللي يجينا هالحزه صدز أنه ماعنده أتكيت ولا يستحي على دمه
تو الناس العصر وأنا أخبر الزيارات تبدى من الساعه ثنتين بالليل <<< مدري وينهي به عايشه
وأنقلب على الجهه اليمنى وأنا أقول أكيد وحدتن من هالعجز خلها تخيس بالشمس محد قالها تجي
وطنننننننن طنننننننننننن << أنفقعت أذني
هيييييييييه يابنت وين رحتي ماتسمعين الباب يطق روحي أفتحي
وأقووم بتملم وأضف أدميعاتي أأأأأأأأأه بس متى أعررررس وأفتك <<< لاحد يسمعتس والله أن يدفنونس بغرفتس أها بس روحي وأنتي ساكته
وأجر رجليني جر
وأفتح الباب بكل تململ وطفش ولو بيدي رقعتها بأقرب مكنسه على راسها
إلا وتنط بوجهي ذيك النطه
بسسسسسسسسسسسسسسم الله
أبك وش ذا
أنا بحلم ولا بعلم
لا لا لازم أعض يدي غدينن أقوم وما يصير حلم
لا والله مابلعتها
تسيف تسذا يالربع
وحدتن كبر أمي تحبني على راسي
أبد لا صرت ولا أستوت
وكلمح البصر يرجع لي عقلي ويقولي هيييه أنتي هذي أكيد عندها ولد قردنيها يابنت
وأنط هذيك النطه فكها الله ماتكسرت أعظيماتها هلا والله هلا بخالتي وهات ياتبويس على راسها <<< وععع كله حنا بس ميخالف من أجل عريس تكرم كل الحنوااات << جمع حنا
هو ياخاله وراتس واقفه بالباب أقلطي حياتس الله البيت بيتس
وراتس ياكافي مبطيتن عنا
وينتس
وش علومتس
وش علوم عيالس << وه غديها بس تنطق وتقول ولدي يسلم عليس ويبيس حليلتن له
وهي فاقتن الكشره اييه أبد كلهم بخير والله أني أحبتس وتسنس وحدتن من بناتي ((هيييه من قدي قرب الفارس وتحقق الحلم وأخيرررررررررا) إلا وتكزني على جنب يابيتي وين رحتي
هاه سمي ايه وش قلتي أبد معتس أمري وش تبين بس
أقول وين أمس
أفا بس طيررا دقيقه وهي عندتس
وتجي امي تمشي بكل هوء وأنا ودي أركبها بطياره وأحطها عندها
أبي أسمع الخبر بأقرب وقت
وتناظرن أمي بطرف عين
أقول يابنيتي روحي جيبي الشاهي
تامرين أمر <<< هييه أنتي شوفيني تراني سنعتن بالحيل
وطرررررررررريان للمطبخ
وأحوس وأدوس لين ظبطت هاك الشاهي وأقعده عندها وأشوف هاك الخشه تنشق عن أسنينات نصها رايحتن بخبر كانا
وينصبغ وجهي بــ لون الطماط
وه بس متى تروح عشان وش اسمه
لا لاتفهمون غلط
بس أشتقت لأمي ودي أجلس معها شوي
وأخيرا طلعت
وجاء دورك يا أميمتي 00 ويبدا اتلزق بها هاه يمه ها يا أميمتي
هاه يا ماما هاه يا مامي
وبكل لغات الماما ناديتها ولا من مجيب
ياااابنت خليتس ريلاكس وأحتسي بصراحه
يمممممممممممممه أبك فلانه وش تبي جايه مغير تناظرن بصراحه حسيت أن عندها شي هاه أعترفي وطمنيني
أبد تطمني يابنيتي كانت تبيس لو لدهاااا(( طن طن لقد توقف القلب عن العمل لمدة بضع ثواني غير معدودات)
وررررررر<< رجع القلب يعمل ليتلقى هذا الخبر
ايه رديته مايناسب لتس
لااااااااااااااااااااا
وتقاطرت الدمووووووع
ورجعت الى غرفتي بإنكسار
لإبدأ أحلم من جديد
ضااااااااع الحلم الأول وأن شاء الله الحلم الثاني بأمسكه من قرونه
وطن طن << جرس الباب
وانط كالبرق سأحصل عليه سأحصل عليه << داخله دوره لغه عربيه
وأفتح الباب وتنط لي هاك البزره معها صرت كراث :زعلان:
لااااااااااا أفقعه بوجهتس وراتس ماجبتي أخوس بداله
هاه وش تقولين
أقول سلميني على أخوس
هاه <<حشى صقهه
أقول سلميني على أمس وأختس جعبلتس لصمخ
يالله روحي هناك ولا عاد أشوف وجهتس مره ثانيه إلا معتس أحد يمشي
راحت وعيونها مبققه علي وي تقول الحمدلله والشكر أنجنت بنت جيرانا
أنتهت السيره
عننننن دقت ريوس وبتطلع
أفوتكم في حكاياتن منواقعي ممزوجتن بإبهارات من خيالي
لا لمراجعت ماكتب خليها تطلع على سجيتها أحسن