[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
يسبل على دوحـة العشـاق همالـي =برق ورعد في سحاب يسبقـه وبلـه
غر الهماليل تسبل عقـب الامحالـي =يلين يطغى على فند الشجـر حبلـه
تسعين ليل بروقـه تشعـل اشعالـي =يفرح بها من طوى البيدا وساق ابله
ويفرح بها كل شيـخ يمنـع التالـي =يقبل على الموت ويلاقيه كنـه ابلـه
ويفرح بها عاشقيـن مالهـم والـي =والله لامثلهـم عنـتـر ولا عبـلـه
يسقي منازل عريب الجـد والخالـي =عديم وصف عليـه النـاس منهبلـه
يقبل ويقفي بقلبي (يابـري حالـي) =وانا علـى حالتـي والكبـد مندبلـه
ان اقبل اشوف خشف يشرح البالـي =وان دبر الخشف يلعب فيني السبلـه
خشف يشارك معي في المر والحالي =حميه وفزعـه ولـه طخمـة قبلـه
ربعه لمـا جيتهـم قـام يتراوالـي =ان الاسد فاق عـن طواحتـه شبلـه
خشف يقدم علـى مليـون رجالـي =لكن عرق النسـاء لايجذبـك حبلـه
تقول هذي معـك بالحـال والمالـي =وان عدمت عندها ترقص على الطبله
اخذو كلام يـدون ضمـن الامثالـي =((اعقل بنات البشر في ذاتها خبلـه))
والله ماجـر مسحوبـي ومـوالـي =الا بيوت من الجزلات تسكـب لـه
تلعب بهاجـوس فكـري ويتهيالـي =جو يخلي بنات الفكـر تطـرب لـه
شربت فنجال ابو الطيـب وفنجالـي =ولاتوجهـت لامشـرق ولا قبـلـه
ياراكب اللي يدرهم في الخلى الخالي =من جيش شيخ نهار الضيق يحسب له
تنحر بـلاد بـن جلعـان طوالـي =عطه الرساله ولاتنسى ووجـب لـه
وابشر بترحيبـه ووجـار ودلالـي =والطيب للظيف والكرمة تقـرب لـه
عادات نسل القروم ونسل الابطالـي =حارث ولد كعب جده مطلـق حبلـه
حر بنى في صروح الشعر تمثالـي =ينسب له الجزل والجزلات تنسب له
[/poem]