--------------------------------------------------------------------------------
اليكم هذه القصيده اللتي تعبر عن مضمونها
[poem=font="Arial,5,white,bold,normal" bkcolor="transparent" bkimage="backgrounds/3.gif" border="groove,4,white" type=1 line=1 align=center use=ex num="0,black"]
اكتم بصدري آهة خـوف يـدرون=نـاس تحـب الثرثـره والمناقيـد
تمسي وتصبح همها كيف وشلـون=تشرب هماج دون عذب المواريـد
وسط المجالس كومة اكتاف ومتون=والا العقـول متوبعـه للشواريـد
كل واحد همه بها النـاس يلقـون=صيد لقاه بماء عكر يومـه يصيـد
هرج النمامه والحسد فيـه مفتـون=كن الكـلام بغيرهـن مالـه مفيـد
مايدري ان التاليـه لحـد وكفـون=في حفـرة ماتنعـرف دون تحديـد
واليوم همي داخل القلـب مركـون=أزريت انا ألقى من يفـك التعاقيـد
ويممت وجهي للولي خالق الكـون=رب السماوات السبـع والجراهيـد
في ركعة في تالي الليـل بسكـون=يـوم الخلايـق نايميـن ومراقيـد
أرفع كفوف ماأنحنت تطلب ديـون=اكسر يميني لـو غناتـي تشاحيـد
مانيب أنا اللي بالمظاهر يجي لـون=غرقان دين وهمه الشكـل تجديـد
قرشين كسبي لاشقا ديـن مليـون=رجـال ابقـى لامذلـة مقـاريـد
ويالله ياللي امرك بكـاف والنـون=تجلي هموم مثـل سـود الجلاميـد
ودورت أنا اللي بالبشر جيته عون=اللي قصيـده بالجزالـه شواهيـد
قم يانديبي وأركب اللـي يسمـون=جيب جديد ماوطـا جرهـد البيـد
أوراق جمرك مادفع فيـه عربـون=الفين وسته تـوه اليـوم توريـد
(فكسار) (فل) وأربع سنين مضمون=صنعة مسيحي ماركع ركعـة العيـد
وأقرا دعائك للسفر ليـن يخسـون=سود الشياطين اللذي كيدهـم كيـد
وأملا التوانك من محطه تجي دون=شعب القليبه لانحدر يمهـا السيـد
وألقى السلام وقل لهم خير تمسون=ياهل الديـار الشامخـه يالأجاويـد
وانحر ديار وسط النـاس يـردون=عذب القـراح اللـي زلالٍ قراهيـد
يكفيك ياتيماء بك الاسـم يشـرون=انشد هل (الويت) ليه اسعارها تزيد
واطلع طريق ياخذك شرق بالهـون=واليا انحدر بك ردد القاف ترديـد
ناوين حايل جعلها لاعـذب مـزون=دار كرمها ماانعقـد دونـه القيـد
واليا انبلج فجر يصبح لـه عيـون=احلك عليها في تبـوك السراميـد
فجر القصيم ويابعد مـن يطـرون=طرقي قصيدي بعد فرقـاك وبعيـد
وأنصى الفويلق ديرة العز والعـون=وانصى كريم ماقفـل بابـه وليـد
شهم كريم عنـه النـاس يـدرون=ياسعد منهو حطه ارجى المقاصيـد
جيتك وكلي هـم والبـال محـزون=شفها قصيده يابن الأجـواد ياعيـد
وصلاة ربي عد مالنـاس يسـرون=على الرسول الهاشمي سيد السيـد
[/poem]
رد مع اقتباس
المشاركة الأصلية كتبت بواسطة بعيد المراميس
