السلام عليكم ورحمه الله وبركاته
رجعت لكم بمصافحه جديده اتمنى تنال اعجابكم
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=1 line=1 align=center use=ex num="0,black"]
يقول ودي في قصيده على الكيف = أكتبها فيني دون مـا تختصرهـا
وأقول أبشر كلمتك عندي بسيـف = بأكتب لك أبياتٍ وحبـك غمرهـا
انشهد ان لقياك أحلـى صواديـف = وانشهد انك فـي حياتـي قمرهـا
أنت الغلا كلـه وسيـد المواليـف = انته ضيا روحي وعينـك سفرهـا
جيتك وقصدي عابره كني الطيـف = الين ما شافتـك روحـي قدرهـا
قلبك تشبث بالضلـوع الملاهيـف = وعينـك تنادينـي بلـدة نظرهـا
ياعزتيلي عقب هـذا بعـد كيـف = اقـدر اواجـه هالحيـاه وبحرهـا
تعال خل النفس من بعدك تعيـف = كل البشر فـي عينهـا تحتقرهـا
تعال قبلك ما ملا عينـي وشيـف = ماعاد اشوف الا بعينـك خطرهـا
جاتك حروفي واضحه دون تزييف = تكشف لك أصدق عاطفه تحتضرها [/poem]
وسلامتكم
تحياتي