موعد غرام ابو زقم الأول والأخير

[][ الفيصل ][]

[ALIGN=CENTER]السلام عليكم ورحمة الله وبركاته

كنت جالس مع حبيبنا ابو زقم وكان متكدر وسألته وش السالفه وقال لي هالقصه [/ALIGN]

[ALIGN=JUSTIFY]مره قررت وبكل فخر اني ادخل شات واشوف هالعالم وش
يسوون واول مادخلت وفيه غرفة اسمها الشعر وقلت ياولد اكيد فيه علوم سفره يحبها قلبك
واكيد بشوف طلال الرشيد وخالد الفيصل واسير الشوق ياحليله والا ناس فلته
بالشعر واشوف اللي بالغرفه يالله لك الحمد تضحك على هالاسماء بالله تخيلو
معي قائمة الاسماء طبعا مع الزخارف او بدون لكن هي:- [/ALIGN]


[ALIGN=JUSTIFY]عــــذاب العاشقين ، وحيد الهم ، فاقد حنان (( الظاهر ماكثر من السيميلاك يوم انه صغير)) جروح مابعد طابت (( طيب وش جابك للشات وانت مابعد طابت جروحك تحسون
اني على نياتي )) والبنات من هالاسماء بنت ابوها ، اخت اخوها ، جمرة غضي عربجية والخ من الأسماء [/ALIGN]


[ALIGN=JUSTIFY]مالكم بكثرة القرق دخلت هالروم واشوف هالناس تكتب وخذ وهات وصح لسانك وصح بدونك وصح عليك المهم فيها صح وبس وجلست اطالع وانا مالي بالامور هذي وبصراحة اشوف الناس كلهم (( يعني
البنات بس يقالي ماهمن )) ينادون واحد ويطلبونه خاص ويترجونه تكفى عطني
وجه وانا طقتني الغيرة ليش هو يطلبونه وانا لا وش زوده عني اذا
المسئله على كلمتين يقولها فهي بسيطة مايبيلها شيء [/ALIGN]

[ALIGN=JUSTIFY]وانقز عزالله مقامك (( ماتشوفون اني معلق على هالكلمة))للدكان واشتري كم مجله من هالمجلات اكثر ماكثر الله بالاسواق هي صارت اكثر من حبوب البندول ومطاعم المندي واجلس بغرفتي اقراهن مسوي رومنسي وراعي عشق وغرام وعلشان تضبط معي الرومنسية صح طلعت للسطح واخذت حمامة من العشة واحطها قدامي فوق ماصورة الخزان واطق الدلال والمعاميل يقالي الحين طالع مقناص وقدامي الصقر حقي وجلست اهوجس
بقصيده علشان اقولها لهم بالشات والمنتديات واشخص فيها مير تهيج عندي القريحة و اكتب هالكلمتين بعد ماصففتهن يمين ويسار :- [/ALIGN]

ياحمامة فوق سطح بيتنا واقعه .... وش اللي حدك ياحمامه على النياحه
ذكرتني ياشين بايام حبي القديمه .... ذكرتني باول يوم اشوف فيه خديجه
حبيبتي كانت في عيني جميله .... كنت احبها وشعرها ياناس وش زينه
دايمن كنت امعط شوشتها واتله ..... تلة حبل العسيبي من وريده لوريده
احبها لو هي عند الناس شينه .... ولو قالوا عنها وعه وتراها ركبه
ماراح افرط في حبي خديجة .... احبها واحب حبها في كل دقيقة
واحبها وهي واقفه وجالسه .... احبها وهي ركعه آه آه آه
وسلامتكم


طبعا لازم اااااه واااااااخ مع القصيده علشان تثير شعور وعواطف الشخص المقابل لك من خلف الشاشة . وبعد ماكتبت هالقصيدة نطيت وفتحت النت وادخل على احد المواقع واشوف
هالعالم مجتمعه وانا داخل وبكل ثقة وغرور حامل في جعبتي احسن قصيده
مابعد قالها أي شاعر في الوجود والله واطب عليهم وهذا يعطي قصيده وهذاك
ثانيه ووذاك يرد واثنين جالسين هناك مهوب معنى ماخذين الدعوه طنازة والله
بيني وبينكم بغيت اطمر معهم لكن الوضع ياناس مختلف لاني ناوي اكون
شخصية رومنسية جدا والله واقول قصيدتي وتشوف الموجودين كلهم تصفيق
وتصفير وتشجيع وصحصحه وانت ماشي والله بغيت اتفلت عليهم واقول قصايد
زود لكن ستر ربك مابغيت اتهور عليهم .


[ALIGN=JUSTIFY]على طول جتني وحده خاص وسلمت وانا ماصدقت خبر انه وحده
تعطين وجه وانقز لها على الريحه ما يبيلي شي والم من حيني وسوالف انها
وياها وهي تمدح فيني وتقول انا معجبه فيك من زمان (( ايه هين كثر منها وانا
اول مره ادخل ومشيتها لنا حاجه ياخي )) وسوالف من هنا وسوالف من هناك
والمجلات الشعبيه ماتقصر حولي على الطاوله وانسخ وعطها بالخاص السالفه
كلها مهب هنا من الاساس السالفه تحت انزل . [/ALIGN]


[ALIGN=JUSTIFY]ادري طولت عليكم وتحمستو للموضوع الحين تركنا الشات وطلعنا طبعا بعد
ماطلعت عطتني البنت رقم التلفون واتصل عليها الو العنود نعم معاك العنود
((دايمن العبدات هذي اساميهم )) وسوالف انا وياها والمجلات الشعبيه ماتقصر
توفي بالغرض وقالت لي ودي اشوفك لازم اشوفك ولازم امتع عيوني بشوفتك
وانا اقولها والله اسمحيلي اخاف عليك من نفسي لاني فتنه انا والله (( مازلت
واثق في البقايا الشينه في وجهي بعد اخر تهزيئة من بنت بالفيصلية )) وبعد
جهد جهيد وافقت (( ماتلاحظون اني بديت اطلع شلخات على مستوى )) وكان
الوعد اني اقابلها عند برج المملكه اللي على شارع العليا العام مع تقاطع
منفوحة.[/ALIGN]

[ALIGN=JUSTIFY]وقفت هناك على الموعد واتصلت علي وينك وما وينك وانا اوصف شكلي واحاول
اني ادلها على مكاني انا هنا واقف بجنب العامود (( تقول المكان مافيه الا
هالعامود )) واحاول معها وقلت لها شوفني انا اطخم واحد رافع يدي فوق
تشوفيني مير تلفت علي وصارت هي واقفه قدامي لها ساعه وماش ماعجبها
شكلي مير تقول هو انت قلت وبكل ثقه ايه نعم انا وقالت وععععععععععع
ومغتر في نفسك انك اطخم وانا اقول ياربيه وش هالسطل اللي مابعد شالته
البلدية وانا اطالع في وجهها طبعا وهي متغطيه والله لو حنا في باريس اللي
جنوب عفيف على غفلة وقلت لها الحمدالله ان الله ماخلق الرجال على ذوقك والا
كان ما تشوفين الا ركب تمشي .

وامشي من عندها واطلع للسطح واذبح الحمامه صحيح هي
مالها دخل لكن هي سبب رومنسيتي الفاشلة وهي جاملتني زيادة عن اللزوم
بحكم اني مصدر رزقها الوحيد بعد الله سبحانه وتعالي لذا لازم تنافق عندي
واطلع احرق كل المجلات الشعبية عن بكرة ابيها وفضلت اني اكون واحد مستمع
لهم واتطنز عليهم.[/ALIGN]


[ALIGN=CENTER]الفايدة من سالفة ابو زقم والخاتمه هي :-

اذا كنت شين وجهك يعورك والشاشة تشتكي منك وانتي اذا كان وجهك ركبة
ماتنفع معه عملية الترقيع والسمكرة ومافيه امل واحد يستسيغ انه يطالع في
وجهك . انصحكم بعدم الرومنسيه وخلكم عايشين في حالكم ولحالكم يعني
مالكم الا العيارة والذبات الطريفة وخفة الدم ولو اني داري انه مافيه امل تجتمع
معكم شين وخفة دم مثلي لذا تعيش المصالة في الحياة يمكن تمشي اموركم
بعض الشيء.[/ALIGN]

[ريانة العود]

ههههههههههههههههههههههههه ههههههههههههههههههههههههه ههههههههههههههههههههههههه ههه

انا اليوم بنفقع من الضحك الله يرجكم بس ..

احلى شي لمن ذبحت الحمامه انا هنا دورني .. ههههههههههههههههههههههههه هههههههه

ومن جد كل اسامي العبيد العنوود ههههههههههههههههههههههههه هههه

زي عيال الرياض كلهم اساميهم خالد ههههههههههههههههههههههههه هه

اقول رتش مااان .. ترا حسيسووه عندي وتعرف العجوز مالها خلق تدخل باسمها .. لان بالحقيقه والواقع انا اللي مو راضيه لها ( وجه مدري ايش يبي ) ..

ههههههههههههههههههههههههه ههههههه
ههههههههههههههههههههههههه
هههههههههههههههههه
ههههههههههههه
ههههههه
هههه
هه
ه

لاخر قطرة من قطرات الضحك

الله يرجك يا مهبل ههههههههههههههههههههههههه ههههههههههه

بس بصراحة قصة احنا نستفيد منها

ان كل شخص يقول شعر هو اطخم خخخخخخخخخخخخخخخخخخخخخخ

<<<<<<<<< بتنشات من جد

تسسسسسسسسسسسسسسسلم يا مهبل على القصة

مراسلتكم حسحس من بيت ريونة

[][ الفيصل ][]

[ALIGN=CENTER]انتم اجتمعتوا اجل بتقلبوها كريسمس والا بتقلبوها سمردحه ههههههههههههه



تحياتي لكم واشكر مروركم الكريم والدفاع المدني خخخخخخخخخخخخخ[/ALIGN]

[ريانة العود]

وجه الفقر

الحين مو تقول لي لا تقولين سمردح ليه تقولها (( وجه معصب بقوة ))

اشوفك تزعل من الرد بشوتك ترى ( وجه مبسوط يحس انه راح يتصقق )

المايك مع ريونة

سمردحة ؟؟؟؟؟؟؟؟

!!!!!!!!!!!!!!!!!!!!

اشدعوة قطعة 13

(( وجه ملقفووووووووووووف بقوة )

[طيف الوله]

ههههههههههههههههههههههههه هه



اجل ذبحت الحمامه ههههههههههههههههههاااي


ماشا الله عليك خيااال واسع وخفة دم ما حصلتش

[saud-m]

>>>>>> أخس يالفتنة

فصولي حبيب ئلبي

ياويلك من شعراء المنتدى

سمعتهم يتحلفون فيك

يقولون خله يطلع لنا في الطلعه

بس معاليك منهم انا ابفزعلك


تحية عطرة

[مخاوف قلب]

ههههههههههههههههههههههههه ههههههههه




وجه الشر هذا ينفع لك




المفروض انت تستفيد



وتحاول انك ماتصير رومانسي لانك شين بقوه



خخخخخخخخخخخخخخخخخخخخخخخخ




صي يوووو

[][ الفيصل ][]

[ALIGN=CENTER]سمردحه كلمه خاصة فيني انا ولااحب احد يقولها غيري فهمتي ياحساسه

لا مو قطعه 13 زكيه زكريا ههههههههههههه


******************************

خيال واسع وخفة دم ماحصلتش ههههههههه شايفتني مهبول

تحياتي لك طيف الوله

*****************************

ما عليك معي جرير والفرزدق والعيال شعار درجة اولى

ههههههههههههههههههههههههه هههههههه[/ALIGN]

[][ الفيصل ][]

[ALIGN=CENTER]انا رومانصي من يومي بس وين اللي يقدر


مخمخ ههههههههههههههههههههههههه الله من الدجه[/ALIGN]