بسم الله الرحمن الرحيم
السلام عليكم ورحمة الله وبركاته
اخواني اخواتي اعضاء منتديات غرابيل
اسعد الله اوقاتكم بالخير والمسرات
قبل عدت ايام واجهة احد الاصدقاء وتبادلنا الحديث ودخلنا في امور قديمه ايام طيش الشباب
وذكريات اعتبرها من اجمل الذكريات التي مرت على في حياتي
المهم صاحبنا ذا للاسف طايح له في مصيبه وجلس يفضفض على بكل صراحه بدخل بالمووضوع على طول
لكي تكون القضيه واضحه للجميع سوف اذكر اسماء الاشخاص لكي أسهل على الجميع
الصديق / ناصر
الزوج / بندر
الزوجه / نوف
الحبيبه / سارة
هذا الله يسلمك بندر عقد قرانه على احدى بنات اعمامه وهي نوف
قبل سنه تقريباً وبعد عقد قرانه بأيام تفاجاء برساله نصيه على جواله برقم غريب
يوجد بها تبريك بمناسبة زواجه
من الفضول اتصل على هذا الرقم ووجده فتاه (ساره) وتبادل اطراف الحديث من الاخت قالت انا ساره بنت فلان وفجاءة وبدون مقدامات
والله يابندر اني احبك من قبل تتزوج واموووت فيك واسمع اخبارك اول بأول واني اموووت كل يوم ودي اصارحك بحبي لك والحين يابندر انا امووووت كل لحظه بعد ما عقدت قرانك على نوف بنت عمك انا عارف انك خلاص راح تتزوج وبدري على اعترافي لك بهذا الحب لكن انا حبيت اخبرك بهذا الحب لي اني اذا ماخبرتك راح اموووووووووووووووت وانت مو داري عني
طبعاً بندر باللحظه ذي كان مندهش ومصدووم لانه يعرف ساره لانها من نفس القبيله لكن ماخطر على باله انها تحبه في يوم من الايام
((للمعلومه بندر رجل عاقل وثقيل ومحترم وماشاء الله عليه من الاشخاص اللي ينحبوون على طول ومو من الشباب اللي خبري خبركم ))
المهم بندر باللحظه ذي حس بشعور اتجاه ساره وحس بالحب لانه ماعمره حب ولايعرف وش الحب بالاساس عاد انتم تعرفون وش الاحساس اللي يجي الشخص ............
طبعاً ساره كانت رافضه تكون معاه علاقة حب لانه بندر متزوج وفي ذمتة حرمه لكن حبها لي بندر خلها تعترف له زي ماتقولون تبي ترتاح من هالحمل اللي شايلته وما تتعذب
بندر تزوج بنت عمه نوف زواج تقليدي عن طريق الاهل وبما انها بنت عمه تزوجها مع انه يحلف بالله انه مايعرفها ومن زمان ماشافها الا ايام كانوا صغار وسبب موافقته بالزواج ليس الا ارضاء لي اهله فقط .
بندر / صار يفكر كثير في ساره وحبها له وخاصه ان ساره ذكرته بأشياء كثيره تثبت حبها له من مواقف واشياء كثيره تعرفها عن بندر
وبالجهه الثانيه ويفكر بزواجه على نوف ويعتبرها غلطت العمر لانه وافق بالزواج من نوف لانها رغبه للاهل وليس حباً لها ويفكر وش ذنب نوف باللي يصير الان
للمعلوميه نوف فتاه لاتقل جمالاً او اخلاق عن ساره بلسان بندر
وساره / فتاه ماأقدر اتكلم عنها كثير لكن حسب ماعرفته من كلام اخونا بندر انها تحبه حب لدرجة الجنون وانها فتاه صالحه ومعروفه عند جماعتهم بالصلاح والاخلاق العاليه واعترف لي بندر ان ساره رافضه انها تكلمه نهائياً لانه متزوج ومن المعجزات انها تكون حليله له وهي تعترف ان مكالمتها له الان غلط وحرام بعد لكن مو قادره تسيطر على عاطفتها وحبت تصارحه بهذا الشيء .
(( ساره + بندر ))
صارت بينهم اتصال بأصرار من بندر ورفض وعناد من ساره الا ان حب ساره لبندر يخليها دائماً تستخدم عواطفها وتبتعد عن عقلها وتكلمه وتتنازل عن بعض عنادها
استمرت الاتصالات بينهم
ودار الحديث بينهم وتطرق الى امووور كثيره وكل واحد يعاتب نفسه بندر يقول ياليتني ماتزوجت وساره تقول ياليتيني اعترفت لك قبل تتزوج صارت كل اتصالاتهم ياليت وياليت مره يعاتبون انفسهم ومره يعاتبون بعض .
المهم بندر في حيره من امره ومو عارف وش الطريق الصحيح بالضبط
بندر اول مره يذوق طعم الحب عاد انتم تعرفون وش يعني الحب الاول .
بندر الود وده تكون ساره زوجته لكن خايف من اهله وخايف على مشاعر نوف زوجته التي لم يراها منذو الطفوله
وساره تتمنى بندر يكون زوجها لها وحدها فقط ومستحيل تتزوج بندر ونوف على ذمته
بندر بلشان بروحه وقالي وش السواه ياناصر انا وساره نحب بعض ونوف في ذمتي ومدري وش السواه دلني على الطريق الصحيح ؟؟؟؟؟
اخواني اخواتي اعضاء غرابيل
هذه القصه ليست من الخيال بل حقيقيه على لسان صديقنا بندر لي انا شخصياً
اتمنى ان نرى وجهات نظركم بهذا الموضوع واتمنى ان تعطروننا بحلولكم فقد نصل الى حل سليم واتمنى من الجميع ان يستخدمواعقلهم وعواطفهم بهذه القضيه
الاسماء المذكور جميعها مستعاره ماعدى اسمي انا :مزون:
طبعاً بعد موافقة اخونا بندر تم طرحها لكم واتمنى انني وفقت في تطرحها .
وشكراً