هذه محاوره جرت ليلة البارحه
في احدى المنتديات الادبيه
مع الشاعر/جساس بتاريخ
6/8/1426هـ
[poem=font="Simplified Arabic,5,blue,bold,normal" bkcolor="transparent" bkimage="./images/backgrounds/11.gif" border="double,4,gray" type=2 line=1 align=center use=ex num="0,black"]
حسين الحارثي
سلام تسليم والتسليم به شرهه ولفتة نظـر=والعذر والحق يبريها ليا جاء وانت تدريبهـا
الصحبه اللي على انتر نت ياجساس علة نحر=لاسيما كان به ناسٍ تخفى عـن مطاليبهـا
جساس
يامرحبا ردة(ن) تشّر وتنذر باقتراب الخطـر=والفايته فايته وانـا تـرا ياحسيـن ماليبهـا
صدقت واكبر دليل أنته ثويبك لين ساقك شمر=هذاه تحذير لـك والهينـة حـذرا تجينيبهـا
حسين الحارثي
دام البقا وانت لاتنذر وانا سويت فوقك حظـر=والفايته فايته وانت سبـب ياخـوك تخريبهـا
ثوبي شمر من شجاعه ثم ياجساس خوف الكِبر=لكن لاتعطي فجوجٍ خلي قبلـك عـوى ذيبهـا
جساس
ياللي تعبد القمر وش حيلتك لاصاااار مابه قمر=في ليلة مظلمة مـن قـو ظلمتهـا تهذريبهـا
الله واعلم لكن اسمع وانا عمّك هـذاه الخبـر=حسني مبارك ترشح واهل مصر اليوم ياطيبها
حسين الحارثي
استغفر الله ياجساس لاتدخـل بحـد الكفـر=اللحيه اليا اختفت ماعاد نحسب طول اشانيبها
المشكله عمك اللي ذل واعطاك القفى والظهر=ورماك في نار لازم تلحس الليله مشاهيبهـا
جساس
لاتصير ياحسين مثل اللي عقب ماحج مدري اعتمر=لاشاف ناس(ن) تهرج بعضها قصـص عراقيبها
لو ما اعرفك فالمناضح قلت هذا سايح(ن) من مصر=بعـض السوالـف حـرام إنّـا بهالليلـة نغنيبهـا
حسين الحارثي
ياباشة الروم كانك تعرف الكعبـه وذاك الحجـر=مكه غنيه عن اهـل الحقـد وانتـه لاتصليبهـا
لو ما اعرفك قلت تاجر وانت ياجساس وجه الفقر=وصاك عمـك وسلمـك الرعيـه مابتضويبهـا
جساس
اظن ان قلبك اليا هالحين ياراعي المناضح خضر=تغازل ام الكباير ماااار اشوفـك ماتبـا اتصيبهـا
الله يعمي بليس العود ذاك اللـي يغـوااا البشـر=والا شياطينه اللـي تحتـه تضـرك باساليبهـا
حسين الحارثي
شعيل لامن هدر بعيركم يرغي وينسـى الهـدر=وام الكباير ما همتني ولا نادتـك فـ.اسريبهـا
انا صقر والصقر لامن نهض معروف فعل الصقر=ريش الحجل والحباري بين رجليـه ومخاليبهـا
[/poem]
رد مع اقتباس
