مساء الورد يا حلوين
اليوم حبيت انزل اول موضوع لي واتمنى يعجبكم
اول مره اسوي مصقعه وصراحه مبسوطه اني ضبطتها
وخفيفه وتصلح لدايت واللي يحب الاكل الخفيف
المقادير
بطاطس
بيدنجان
طماط
بصل
ثوم
لحم مفروم
زيت زيتون
شوي بهارات ( كمون _ فلفل اسود _ ماجي )
صلصه طماط
وبس
الطريقه
نقطع البطاطس حلقات عريضه ونسلقها خمس دقايق بس مع شوي ملح
ونقطع البيدنجان حلقات وندهن بشوي زيت زيتون وملح ونشويها في الفرن برضو ما تاخذ منك خمس دقايق يعني لحد ما تتحمر
نقطع بصل صغير ونحمسه مع شوي زيت وبعدها احط عليه اللحمه المفرومه وماجي وفلفل اسود وكمون وملح واخليه لحد ما يستوي
نجيب الخلاط واحط فيه طمام كل واحد وخلاطه كم يكفي
وشوي صلصه ممكن ملعقه صغيره ومكعب ماجي وملح ( حسب الرغبه )وبصله صغيره او حجم وسط وفصين ثوم
نجيب الصينيه واول طبقه بيدنجان وبعدها بطاطس وبعدها اللحمه ومره ثانيه بيدنجان وبعدها البطاطس
ونصب اللي في الخلاط على الصينيه
ممكن تحطين اخر شي رشة جبن اي نوع تفضليناو بقدونس
وتدخلينها الفرن لحد ما تتسبك على نار هاديه وبس
وهذا صحني
وهذي ورده لكل من دخل موضوعي
رد مع اقتباس
