تحدث عن نفسها
هذه المجنونة
الله يستر !!!
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حنا فزمان كلنا وسط غابه=ولا هي غريبة نحتكم شرعة الغاب
إللي قوي فينا يفتل اشنابه=وإللي ضعيف يسلم الموس الأشناب
سؤال راودني وأبي له إجابة=وشلون جاري ما شكى مر الأنشاب
وأنا فنشبة وكل يوم ٍ اطلابه=لا أم .لا آنا . ولا عيالنا أحباب
ما ني بحاسد بس مكمن غرابة=البيت كيف يقوم من دون الأطناب
حالي من أول كنت ماني بآبه=ومن كان حولي مدتي مالها حساب
أعطي لهم وأمنع ربوع وقرابه=وليا نصوني أعتذر بأتفه أسباب
أمد جسر الجود وأرخي ركابه=ودي بصيت وصرت والصيت أصحاب
ضحكوا علي منافقين وخيابه=تاريخهم مبني على ديدن أكذاب
عاثوا فداري بعد صاروا نيابه=نيبتهم عني وحدوا لهم ناب
وإللي سلم أضحت فعوله تشابه=أصبح يجامل بالمكاذب ولو شاب
الدار والنواب صاروا عصابه=هدوا علي وصكوا الباب فالباب
وأصبحت سيرة وكل قاصي وحابه=وتهللو بالبشر صدقان الأغراب
وأنا سجين أعصاب فأرض الذيابه=فكرت كيف أكون قاسي ولا أهاب
حارت تفاكيري وصارت حرابه=بين الضمير إللي حضر بعد ما غاب
وبين الضمير إللي كساني ثيابه=خلاني أدله دون ما أشك وأرتاب
لكن عود بي ضمير الذرابه= خلاني أرجع بعد ما كنت فغياب
والطير لا عود لعزوة ولابه=بالحق ياطى كل مخطي بمخلاب
بيتك تبيه يقوم دسم اطنابه=واكرم عيالك لا يجي الورع نهاب
قانون طبقته وصرت فرحابه= مالي ومال أسلوب تنقيز الاعصاب
هذا وصلى الله على نزل طابه=إللي رفع بالدين عجمان وأعراب[/poem]