[poem=font="Simplified Arabic,6,white,bold,normal" bkcolor="transparent" bkimage="backgrounds/32.gif" border="double,7,white" type=2 line=0 align=center use=ex num="0,black"]
الطير عانق بالفضاء خمسة طيور=ياصعب تجويده ان ادبر وحامي
لو كنت صقاره على الطير مقدور=ماتمسكه لوضـاع كـف الحرامـي
وابو وعد عرقوب منّهي ومامور=يمنى .. بدايه .. في يسار الختامي
قمت أتغيبا .. في ذرى العمي والعور=حتى سلامي قمت أغيّر سلامي
والذود ذودي كلها ورّد وصدور= والعد تسقي جمته كل ضامي
والوافي اللي له مكانه وجمهور=مالد باله في صغار المقامي
وذياب أبن غانم على الصيد مشهور=شلفاه من بين اللحم والعظامي
وماهو على بعض المخاليق مجبور=شذابة العرقوب والقذف حامي
وغيم السماء قاطب وهتانه حدور=برقه يلوح وشق روس العدامي
ماهمته شلة منّصر ومنصور=ماهمته والموج زاجر وطامي
صعبه تبي لك حي ميّت ومقبور=حلال والا .. يا إلآهي حرامي
قالوا .. ظلام وشعشة طلعة النور = والنور .. في1 .. قدومه يزيح الظلامي
تسعه وتسعه أخر ايام دكتور=دكتور وينك يامفسر كلامي
هذي رساله مبهمه وانت مخبور=كلك ذكا .. مخبور .. بين الأسامي
بيني وبينك حالت جسور وجسور=وعبورها دونه يحول الجهامي
عندي أمل وابنتظر عدة شهور=والا يروح العام ويحل عامي
همستلك وحروف همسي على سطور=وموثقه في بعض مثل اللحامي
لك بيت شعر وبيت بالقلب معمور=واللي .. في1.. صدري مايجيّه الهدامي
والطير لو قفى مع جملة طيور=ماطار طير إلا وقع يوم حامي[/poem]
في1/تكتب الياء ولاتُنطق