ابي اقول لكم عن قطاوة الحارة عندنا ..
كلكم تعرفون إن القطاوة تنتشر بشكل رهيب في الرياض وخصوصا بالحواري اللي يحطون بجنب بيتهم الله يعزكم (( براميل زبالة كبيره ))
المهم مالكم بالطويلة .. عاد حنا بجنب الشقه حقتنا في بار Bar حق شلة القطاورة حقت حارتنا .. يبدأ الدخول له الساعة 12 بالليل .. ويسكر لا من طلع الصباح وراحت الناس لمدارسها ..
مالكم بالطويله . عاد القطاوة هذي مبلشتنا بلشة الدنيا والآخره .. كل يوم اول مااطلع إلا واهي متكية على كبوت السيارة حقتي . لا ومن زين الطبايع .. (( تزغل )) الله يعزكم على نص القزاز القدامي حق السيارة .
يعني من جد بلشت فيهم .. ولا دقت الساعة 12 باللي إلا والزحمه واللجة والصجة وتشتغل الأغاني والبلاوي الزرقاء حقتهم وتسمع صياحهم وخرابيطهم ..من غير القطاوة اللي تطلع من البار سكرانه تقوم او ماتجي انت بجنبها إلا واهي هايشة عليك . ومطيره شعرها وتمخش وجهك .
طبعا ضقنا فيهم ذرعا .. قلنا مافيه إلا نكلم الشرطه . عشان نبعدهم عننا .... طبعا الشرطه مانفعت جاتهم اللومينا إلا وانواع الحصى واللي خوف الدوريات والشرطه بزيادة ذاك القطو الأسود . ورابط نفسه بقنبله ورمى نفسه قدام اللومينا ...........مسوي بينفجر .. اهو ووجه... المهم إن اللومينا دعسته .. طبعا ماانفجرت القنبلة .. لا .. بس القطو مات .. تدرون وش صار بسواق الدوريه .؟؟
ركبه جني بسم الله علينا ..
بعدها ماعاد قبلوا الدوريات على الحارة ...قالوا لنا دبروا انفسكم ..
قلت ياولد مافيه كلام . لازم استفزع بابونوال .. ..... وش رايك يابو نوال .؟؟
قال نروح للقوات الخاصة .. بالرياض ونقول لهم ..
ومن قلنا لهم . والقطاوة تتمرن ....
وانا اخذت لهم كم صوره ..
هذي اهي ..
إلا اشوف لك ذاك القطوين .. اللي من جد خرعوني . يسووون تمارين غريبه .. تشبه فيلم (( ماتركس )) عرفت إنهم اهم اللي بيبهذلونا .
وفعلا جات قوات الامن الخاصة . وماسوو شئ .. نفس الطريقه عمليه فدائية ثانية .. ودخل بكل واحد جني ورجعوا مره ثانية .
قلنا ياولد اهم شئ نشوف الروس الكبار اللي في شلة القطاوة ..... ,وفعلا لقيناهم قاعدين الله يعزكم بزبالة بالعليا .. ويوجهون من بعيد ..
قمت وجبت لهم الله يعزكم اطلق(( كلب ))بالحارة .......
عاد تدرون وش صار فيهم ؟
قاموا يخوووووووورون وانواع الريحه ..
والحمد لله صارت الحارة هاديه مررررره الحين .. ولا فيه قطاوة ولا شئ . من جبنا ابو الشباب والامن مستتب ..
بدوووووووووري