مرحبـــــــــــــا
تسيف حالكم ... شخباركم كيف الأهل والإخوان والخوات وسلفكم وخلفكم
<< اخبار اعلوم ان شالله تزقحون
ادري انكم اشتقتولي
<<< يا شين الثقه ياناس
بس عسى احد ما قدر يتحمل بعادي وانتحر
ترى هذي حال الدنيا
<<< اقول اخلصي
.................................................. ..............................
صراحه مدري شلون أفتح الموضوع
ففكرت إني أسكره بس مالقيت قفل عشان كذا دورت على مفتاح المستودع ولقيته مصدي <<< تراي زايده الجرعه إنزلوا وإقروا الموضوع
ستيقظت من نومي قبل قليل <<<< ماش ماعرفت اضبطها بالحيّل
باجرب ثانيه "الفصحى " كود تزين وش يدريكم
نعم .. استيقظت قبل قليل <<< ذا يسمونه فن الأكشن
نزلتُ للاسفل .. فاذا بسكان منزلنا " مشتطين "
سألت امي .. مابتس ياوالدتي ؟ اجابتني والحزن يغمر وجنتيها ..
" يابنيتي " شغلاتنا اليوم فيى اجازه!!
أطياف :مايصير يا أمي ثنتين وبإجازه فرقوا ايامهن عن بعض
والحين ماذا نفعل يا أمي ؟
الام: اطبخي العشاء الله لا يهينك !!
أطياف: ماذ ا اطبخ كيـــــــــــــــــــــــ ـــــــف ؟؟
الام:هلوووووووووووووووون !!
ذهبت الى غرفتي "الموطبه " وجلست ابكي مابي <<الله من قلها <<بس عشان تتفاعلون مع السالفه
وقُلتُ في نفسي : " مالتس يابنت الا النت .. هو اللي يوسع الصدر ..
مع انه صاير مُمّل هاليومين .
بس اهون من المكالخ مع الاهل الافاضل
تحركت ورأيت الكمبيوتر مسدوحاً على طاولتي الغناء ..
اقتربت منه وطقطقت على كيبوردي العزير وادخلت كلمه
منتدى غرابيل << ياني احبه
دخل بي هالماخوذ على موقعي العزيز .. شاهدت الكثير من المواضيع
وقعدت احوس بعدها بالكل الشبكه العنكبوتيه
وفي وقت المغرب بينما أطياف تتابع مسلسلها المفضل
وتتلذذ بأكل " برينجز " لما تفك ما حتسك !!
اذا بوالدتها رعاها الله وحفظها ..تقطع عليه متعه المشاهده والاكل
وتامرها بإعداد العشاء للعائلة خواتي المؤلفه من عدد غير معّرف من البزران والراشدين
فانطلقت الاخت المذكوره اعلاه على بركة الله <<<سباق هجن
ماش خارت قواي وانا ابربر فصيح
الموهيم
وصلت للمطبخ بعد محاضره من امي ربع ساعه عن
اهميه السناعه في حياة المرأه السعوديه....الانسات خاصتن والسيدات عامتن
بعد ما دخلت على شغالة المطبخ في غرفتها وهي متمدده تتابع فليم " بسرعه قسل سياره "<< الاخت مااخذه اجازه
وتشحذت الشغاله تحمي لي الزيت <<<انواع الذل:icon_frow
طبعن ولعت لي الزيت ودلتن على الفريزر ياهو ماشاء الله مليان اكياس وعلب مدري وشنّ<<<محدثتكم الانسه رفلا
وخوفن على خشتي لا يقبع به الزيت
وخوفن على قلبي لا يزلق من الهبله والخوف وخوفن على شوشتي حيث انها سريعه الاشتعال اخذت كافه الاحتياطات الامنيه
حطيت الدجاج بثلجه بالزيت
الدجاج تطافش بالزيت وكانها بشاطئ الهاف مون
تقف الدجاجات بالزيت وقد تماسكت الايادي فقد حان موعد فراقها عن بعض بعد ان عاشت تلك اللحظات الجميله في كرتون واحد تلهو وتمرح والفريزر يلفح عليهن هاك البرادات وتسولف على بعض هاقد حان الفراق
وانا اتابع سوالف الدجاج مع بعض مادريت الا بريحه شواط فكرت انها " شوشتي احترقت " ركضت للحمام اطلع بالمنضره " لا والله لبسه قبعه <<<مسويه الشيف رمزي على غفله
الشوشه ما عليها خلاف " <<<< تعز شوشتها الاخت
رجعت المطبخ الا الدخان والشواط كل ما لهاو تزيد شوي الا وقبعت الحرايق
انواع المتفجرات واصوات قرقع قرقع حسبت امريكا غزتنا الله لايقول اتري ماغير الدجاج هو اللي احترق والدولاب اللي تحت الفرن
وش اسوى ياويلي ويلاه وي وي !! :11eatdrop
ياويلي من السيده " ليتي " شغالتنا قبل لا ادخل المطبخ قالت لا توصخين
اهو احترق ما توصخ وبس !!
يوم شفت ان الدعوا به حرايق قلت اضف وجهي احسن بس ماامداني
الاخت راعيه طويله
تدخل السيده " ليتي "
المطبخ وتشاهد ماحدث فتذهل بينما " اطياف " متوزيه وراء الباب
تصرخ السيده الشريره ليتي : أتيااف ليش كذا يالله بسرعه قسل نظف <<<تستمر" ليتي " الشغاله الشريره بالقاء الاوامر على الفتاة المسكينه
بينما اطياف تذرف الدموع وتبتسي وتبتسي حسرتن على حالها
الخلاصـــــــــــــــــــ ــه الحمد اللـــــه خلصت السوالفه
وهذا اللي عندي
وهالله هالله بالردود اللي تبرد الخاطر
دمتم بخير
اطياف
رد مع اقتباس
[/align]
المشاركة الأصلية كتبت بواسطة مشااعر حالمه
انا كلي لجل عينـــك 
