بعض الغلا

**عبدالله مطلق** · 12-10-2006, 03:02 AM

[align=center]احبتي في منتدى غرابيل
هذه القصيده مسابقه شاركت بها في احد المنتديات
البيتين الاولى لشاعر ومنظم المسابقه الشاعر الكبير مرزوق العتيبي

بعض الغلا ياخذله ايـام ويـزول
وبعض الغلا نفنا وهـو لايزالـي

وانته غلاك بوسط قلبي على طـول
ماينمـحـي لوطـولـن الليـالـي

اخذالكلام اللي انـا عنـه مسئـول
ان جيت ولا رحت يازيـن غالـي

ميدان حبك صارفريـس وخيـول
وكلن يقول اجيـب راس الغزالـي

يوم اقبلت والعقل ينصاب مذهـول
عجزت افرق واقعي مـن ظلالـي

الطرف ناعس واشقرالشعر مفلـول
ويداعبه ريـح الصبـا والعوالـي

والخشم سلة سيف بالحـق مسلـول
وردنـي لحـوض المنايـا لحالـي

حمر الشفاه الورد من تحتها اللـول
المبسم اللـي مثـل برقـن يلالـي

وصغي لهرجه منطق الهرج معسول
اخذ من الشهد العسـل ذوق حالـي

يبصر كفيف وينطلق كـل مشلـول
لوشاف حسنـك ياحسيـن الدلالـي

اعيش في سحرك وفي سر مجهول
والفكر سارح فـي امانـي خيالـي

مقبول منك اللي يجي منك مقبـول
اذوق منـك المـر واقـول حالـي

ماهمنـي مهبـول يقلـون مهبـول
ياماحلى يـا زيـن فيكـم هبالـي

مـادام لاقاتـل ولانـي بمقـتـول
يفداك ياراسـي خبـول الرجالـي

ويفداك يا ترف القدم كل مجمـول
وكـل الغلايفـداك يـاراس مالـي[/align]

**ناصر السبيعي** · 12-10-2006, 03:18 AM

[align=center]عبدالله مطلق

شرف لي

ان اكون اول من يعانق هذا الابداع

جزله من جزل

لاهنت,,,,[/align]

**محمد الروقي** · 12-10-2006, 03:20 AM

هذه الروايع والا فلا

هذه القصايد التي تستحق كلمة صح لسانك ياجزل

ماهي الخرابيط صح لسااااااااااااااااااااانك الى رضاك

ودمت بخير

مع ملاحضتي

لترديد حالي

**جواهر عبدالله** · 12-10-2006, 03:24 AM

صح لسانكـ يا عبد الله ولا هنت

الله يعطيكـ العافية .

**ظافرسعيدالسهلي** · 12-10-2006, 03:35 AM

عبدالله مطلق
صح لسانك
قصيده جزله
وشاعر رائع
تحياتي لك
ودمت بخير،،،،،،،

**بـنـت الـشـيـوخ** · 12-10-2006, 03:35 AM

ميدان حبك صارفريـس وخيـول
وكلن يقول اجيـب راس الغزالـي

يوم اقبلت والعقل ينصاب مذهـول
عجزت افرق واقعي مـن ظلالـي

الطرف ناعس واشقرالشعر مفلـول
ويداعبه ريـح الصبـا والعوالـي

صح لسااااااااااااااااااااانك ــ ياعبدالله

ولاهنت