[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
السلام عليكم
قصيده ارتجاليه على هالصباح الجميل
اهديها لكم مع التحيه
وعسى ربي يكتب لها قبول
يوم قالت يامحمد ..لا تمادا .. بالعلاقه=رد قلبك يا محمد .. لايواصل .. في جموحه
قلت ياليل الجهل.. والهم .. يا شين الطفاقه=اركدي يابنت قلبي عارفٍ غايت .. طموحه
تبت من طرد الهوى .. معادلي بالغي .. طاقه=وش عطاني .. غير همٍ .. ذوب الخفاق .. فوحه
كان همك بعض هرجي .. والسواليف الرقاقه=النوايا بيض لاكن .. طالبينك ..السموحه
اسكتت لحضه وقالت .. الهوى علقم مذاقه=بس ركز في كلامٍ .. زبدته عندي .. وضوحه
رددت لي .. الصداقه .. الصداقه .. الصداقه = رددتها .. لين حسيت انها صارت .. لحوحه
قلت طيب ياحسين القد يانبع الرشاقه=مرحبابك .. في خفوقٍ للصداقه .. ساق روحه
رغم مابه .. ماشكا للناس همه .. واحتراقه=شرّب قلوبٍ تحبه .. ضحكةٍ تخفي جروحه
اقلطي به .. يابعد كل الملا ياام اللباقه=وعانقي عذب القوافي .. لا سرى للشعر .. بوحه
الصداقه .. كنز وانتي .. تستحقين .. الصداقه=ياهلابك .. في خفوقٍ لجلها شيّد صروحه
وسلامتكم
[/poet]