أجمل مافي الحروف أنها تكون لنا صديقا وقت الحاجه
اليكم بكل الحب
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عسى جروحي تذكّرني وأبد ما أنسى لك الهجران=عسى قلبٍ ذبحته مايفيق بيوم يعصاني
أنا إللي بعت كل الكون وجيتك مغرمٍ ولهان=لعبت في حسبة أيامي وجيت اليوم تنساني!!
أنا المخطي وأنا القاسي وأنا الناسي وأنا الغلطان=دخيل الجرح والذكرى دخيلك لا تجي ثاني
ترى مالك أمل في قلب يعوّد لك مثل ماكان= يضمك وسط شريانه ..ذبحته بلحظه يا أناني
من أول يرتجف كلّي إلا من قلت لي زعلان=أدوّر للرضا ترضى ..وأعادي كل خلاّني
وإلا من شفت بسماتك أضيع بعالمٍ فتّان=أشوف الكون يضحك لي ..وأغني لك بألحاني
وأجر الصوت أحس الموت لو عني تغيب أحيان=عيوني دون ما أطلبها تهلّ الدمع هتّانِ
بعد هذاتقول آسف!!! أنا ما أمشي مع الخوّان=أنا آسف؟؟أنا آسف !!في رايك تمسح أحزاني؟
تريّث لا تحاكمني قبل ما تسمع البرهان=ولكن قدسبق سيفك ونفّذ حكمك الجاني
مصيرك يوم تتأكد ولكن وقتها يافلان=يكون الجرح في قلبي كبييييروضاعت أوطاني[/poem]