[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياللي تلوم القلب خلّ الطواريق=منته عليه مويق حتى تزرا
تبحث خفايا مغلقات الصناديق=وتعدل المعنى على ماتورا
ماصابك اللي صاب ذيك المعاليق=ولازارك اللي في خيالي يمرا
اللي على حبه عهود ومواثيق=بالمختصر له باالحشا مستقرا
ثابت غلا راسي كما هضبة اطويق=له منزله طالت نجوم المجرا
ماهيضوه اهل اللحون المطافيق=لو ينضمون الشعر لولو ودرا
جاته بيوت الشعر مثل الغرانيق=في حضرته حرام ماهي تدرا
يرقى بها في زاميات الشواهيق=ويفرها من صافي الفكر فرا
ويسج مع طاريه لحظات ويفيق=هذاك انا0 واسج مراً ومرا[/poem]