قالت أحبه قلت منهو تحبين

[جباروغريب]

قالت أحبه


قالت أحبه قلت منهو تحبين ؛؛ بالله قولي لا تزيدي عنايه
ودي أعرفه زين وأقلده زين ؛؛ وأعيش عمري كله أنتي معايه
ودي أبعرف وش بطبعه تودين ؛؛ بمشي على طبعه ولا أنظر ورايه
وأمشي على ذوقه سوى زين أو شين ؛؛ تقليد محبوبك هويته هوايه
قالت هذاك اللي له القلب والعين ؛؛ اللي نجومه لامعه في سمايه
هذاك عايش تاج رؤوس المحبين ؛؛ وروايته بالحب أصدق روايه
هذاك أملك له وسام ونياشين ؛؛ قلبه كبير ومالحبه نهايه
صادق وماله في حياتي شبيهين ؛؛ ثم قلت منهو فارس أحلا حكايه
قالت هذاك اللي وقف جنبك يمين ؛؛ ثم التفت الين جنبي مرايه

الشاعر عبدالمحسن محمد المشاري

[ღ شفاه البيلسان ღ]

[align=center][/align]صح لسان الشاعر

وتسلم لنا الايادي عـ الإختيار الراااقي

في حفظ الرحمن..

[جباروغريب]

شفاه البيلسان

مشكوره على المرور ومشكوره على الكلمات الأجمل من جميله ومشكوره على الدعاء

وبيض الله وجهك

[كاسب العز]

وأمشي على ذوقه سوى زين أو شين ؛؛ تقليد محبوبك هويته هوايه
قالت هذاك اللي له القلب والعين ؛؛ اللي نجومه لامعه في سمايه


اختيار راقي

سلمت

[جباروغريب]

أخي كاسب العز

مشكور وجزاك الله خير

وبيض الله وجهك