[poem=font="Simplified Arabic,4,darkblue,bold,normal" bkcolor="white" bkimage="" border="outset,4,darkblue" type=2 line=1 align=center use=ex num="0,black"]
كل المشاعر لا حضرتي ما تجيب إلا الغزل =وكنّ القوافي لا ذكرتك كلها عندي يسيره
أنتي لي الشعر القوي وانتي من اسباب الجزل=وبيت الشعر في وصف حسنك حطّم أرقامٍ كثيره
يا أم العيون الشاعرية والشعر فيك انغزل=عيني بصيره يا العيون السود ويديني قصيره
قولي أبي هذا,, وشوفي عاشقك عنده هزل..؟!=لو تطلبين الروح مني قلت لك هذي صغيره
قبلك أنا ما كنّي إلا عايشٍ في منعزل=ومن بعد حبك يا غناتي صرت بلحالي عشيره
لو كان شافك ( عنتره ) عن حب ( عبله ) اعتزل=وما كان به أحد سواك إليا حكيتي يستثيره
هذا لساني قد نهيته ,, وإن ذكر طاريك زل=يذكر حروف اسمك ,, وأنا ما ودي إنه جاب سيره
لو جيت أصنّف حالتي وياك في حب الأزل=بلا منازع يا حياتي ,, ( حبنا ما فيه غيره )
( مُنذُ الأزَل غرامُكِ في وسطِ قلبيَ لمْ يزلْ)=ما كنّه إلا ( دولةٍ ) وأنتي على الدولة ( أميره )
حبك رقى في خافقي لا تحسبينه قد نزل=لو طاحت أوراق الزمن , وإلا تدور المستديره
ولو تطلبين ( المختصر ) وإلا ( الكلام المختزل )=شوفتك عندي يا حياتي اللي تساوي ( ألف ديره ) !![/poem]
رد مع اقتباس
