آخر كلمات لفظها عصفوري الجميل عندما أخرجته من قفصه ليأخذ ( الشاور ) الذي كان يبكي منه كثيراً
ونظرت له وإذ به في آخر رمق الحياة ثم قلت له ( يا طيري تحبني ) قال ( تف على وجهك )
عمرك سمعت بطير ويحب سجانه يا ظالم ,...
ثم فاضت عيناي بالدمع ودفنته بجوار أخيه الذي مات من المايكرويف العام الماضي عندما أردت
أن أدفئه من البرد القارص ونسيته ولم أخرجه الا بعد ما شممت رائحة ( شياطه )
,,
,,
,,
أنا ما قد طول معي حيوان أليف نهائياً ,,
كنت صغير وأتعبث في الطيور والبساس ... مره من المرات ولدت قطوه في حوشنا وأخذت واحد من عيالها
وسميته ( سحيم ) << دلع بدو
وبعد ما كبر شوي وصار وش حليله ويطاردني من مكان لمكان ومعلق على رقبته جرس :)
شفت ربعنا في البيت يستخدمون بخاخ يقولون أنه ما يخلي شعره في الجسم وبعدين يوم كبرت عرفت أسمه ,,
بس يوم كنت صغير أسميه ( صبغه أبوي )
اخذت العلبه ورشيت كل القطو ... وبعد ساعه لقيته كل ما حك نفسه في السجاد والجدار يطلع شي من شعره
وحطيته تحت الدش وطلع شكله يخرع وضربتني أمي ضرب الحانوتي ما ضربه لبرت هارت ^_^
وقالت أرشك ألحين زيه بس أرشك ببنزين يا .... يا .... الله ... الله ... << يعني شتائم ودعاوي
وما تابوا بعدها بالعكس جابوا لي زوج حمام وقالوا حافظ عليها وخلك عاقل ,,
وحطوها بغرفة مافيها فرش وزايده في البيت وكل ما جيت ألاعبها ألاقيها فوق المروحه ما تنزل ....
عاد هنا حقدت وشغلت المروحه على رقم (1) وشوفوا عاد المجزرة الي صارت وأسكر الباب بهدوووووء
وأطلع كأني ما سويت شي ’,,
بعد ما دخل أبوي يشوفها لقى كل لحمه وريشه لوحدها
قال وش صااااااااااااااااار ( وهو يصارخ )
قلت يا ابوي سحيم الي سوا كذا وورطت القطو وشاته أبوي برااااا ,,
وبعدين فكر وقال ليه الدم في المروحه وجاني تكفيخ غير طبيعي
يعني كنت مسوي أفلام مع الحيوانات الأليفه كلها دآخل البيت وخارجة الله يرحمني برحمته ...
,,
,,
,,
ملاحظ أنا كثير من الأباء والأمهات الإستهتار بالحيوانات وجلبها تسلية للأطفال وهذا فعل خطأ
لأنها أرواح تشعر مثلنا وتتأذى وليس لديها حيلة ,.
تقبلوا حبي وتقديري
بندر النايف