السلام عليكم ورحمة الله وبركاته
إخواني..أخواتي أسعد الله أوقاتكم وكل عام وأنتم بخير..
أعزائي :في إحدى القنوات الفضائيه كان هناك لقاء مع أحد الشعراء..
سألوهـ : مارأيك بالشعر النسائي؟
فقال بكل ثقة يصحبها بعض السخريه:أنا لا أعترف بالشعر النسائي أبدا..!!!
ومن هذه المناسبه كتبت لكم هذه القصيده الموجهه لكل شاعر..وليس لهذا الشاعر لأنه لايستحقها..
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالشاعرالـفـنـان ودي اجـاريــك=لكن ظْروفـي عـن شفوفـي حدتنـي
يعجبنـي اسلوبـك وصيغـة قوافيـك=وابيـات شعـرك كلهـا معجبتـنـي
وش رايك ابشعر النسـا الله يخليـك=أهـل القلـوب الحاقـده موجعتـنـي؟
بََسَجّـل ابياتي...والَـحْكَـام تَكْفـيـك=أمـا اعجـب الشعـار والا انقدتنـي
وترى الهدف والقصد ماهـو تحديـك=حبيـت اوضـح حاجة(ن)مشغلتـنـي
أنا استمد البـوح مـن نبـع ساقيـك=الغصـن أنـا وجْـذوركـم شايلتـنـي
الله عطانـي موهبـه مثلمـا فـيـك=وابيـات شعـري لابغيـت اطربتنـي
نعـم انـا أنثـى ولاهـوب خافـيـك=همـس الحـروف الذايبـه ذوبتنـي
عندي عذوبه فـي حْروفـي تناديـك=واكتـب بكيفـي عمرهـا ماعصتنـي
واعوم في بحـري واباهـي وورّيـك=والْعَـب علـى الامـواج ماغرقتنـي
ومن عذب شعري أقطف الورد واهديك=نـزف المشاعـر لاتهيضـت جتنـي
ناهيك عن بعـض التعابير...ناهيـك=توجـع نعـم!! لاشـك ماحطمتـنـي
الشعر فـن وْ ذوق والْـوان تزهِيـك=وانا رسمـت.... وْلوحتـي معجبتنـي
[/poem]