{مسلسل حصري على منتديات غرابيل}
السلام عليكم والرحمه
كيفكم ان شاء الله بخير وصحه << ان شاء الله دووووم
اها اكيد شدكم اسم الموضوع صوح؟؟؟
طيب هذا مسلسل انا بألفه ان شاء الله عن اعضاء المنتدى
طبعآ الموضوع من تأليفي وانا كنت بنام وقاعده افكر واخطط للمستقبل <<< قويه شوي صح
المهم جتني هالفكره وقلت يالله وش وراي خل اكتبها وانا ادخل يدي تحت المخده واطلع الجوال وافتح الملاحظات ويبدأ الكلام الي مدري شلون هو قايل يجي وانا ابدأ اكتب وهذا الي طلع معي <<< حشى قاعده اقول قصة حياتي
أبداع صح ؟؟ << اكيد ماعلي كلام
اوكيشن
يالله نبدأ
3
2
1
اكشن <<< اصلح اصير مخرجه ولا ؟؟
المهم ماعلينا نرجع للتمثليه << هههههاااي تذكرت جدتي الله يخليها
بدت المسلسل يالله بسرعه الي بينسدح عند التلفزيون والي بتسوي الشاهي تخلص تجي بسرعه
على فكره المسلسل حصري على قناة <غرابيل>
*اول اعلان ثلاثه في واحد
نظافه ،ريحه،توفير <<عاد انتم تخيلو شكل الاصابع الي تعد وجنبها كرتون الصابون
* وبعدين اعلان عن جبنة المراعي
صدقيني هو <<< ياخي اذا شفت هالاعلان افطس ضحك على الورع
*عاد الاعلان الاخير صابونة لايف بوي << مدري شسمها
ليش نعلم اولادنا الخير واخر شي نمنعهم ؟؟
أيوه ليش ؟؟ <<ههه يذكرني بوحده الله يستر عليها كل ماشفته اضحك عليها ولا اذا شفتها تذكرته ههههههههههه
عاد الورع يروح يركض مدري يجي بعد ماتروش << نظيف
* عاد هاللحين دقات المسلسل اغنيه مدري وشلون هي قايله وعاد كل واحد الحين يتخيل صورته وجنبها اسمه <<< متعيجزه اكتب لان جاني النوم وانا قاعده اكتب واصابعي عورتني
بعدين اكملها بنااااااااااااااااااااااا م
٨
٨
٨
٨
٨
٨
ياهووه تراني مانمت والله بس تركت الجوال ورحت اتقهوا مع الوالده << اللي يخليها لي
واللحين رجعت لكم بكمل لكم المسلسل
<<< تراها من ثلاثين حلقه واذا زانت الاحداث وحسيت اني مروقه وودي اكملها بخليها مثل المسلسلات التركيه بالميات
<<< هههههههه لا تصدقووون امزح يمكن اسبوع بالكثير اسبوعين ونص << الي اقدر عليه ولا يمكن اعطيها احد من الاعضاء واخليها يكملها لين ارجع لان بعد اسبوعين بدرس تدريب الأخت جامعيه هههااااي
.................................................
المهم نرجع للمسلسل
**********************************
{الــحـــلــ(1)ــــــقــه}
ابرز شخصيات المسلسل طبعآ الاولى
غلا أبوها البنت الوسطى << اجل الولد
منصور << اخوهن الكبير اكبر منهن
ريم شيخة الحريم<< الاخت الي بعد غلا
ماعندهم ام ولا اب <<< الله يخليهم لنا ان شاء الله
عايشين عند عمهم باحدى البيوت الي بالقرى << يعني طعوووووس بدوووووو
المهم منصور وهو يفرفر بسيارة عمه الددسن << سارقها طبعا
بالقايله الساعه 2 الظهر كان يمشي بالصحراء القاحله << امش يالتعبير
للمعلوميه السياره خربانه وتطلع لها خربشه والمكيف خربان وفاتح الدرايش علشان مايفطس من الحر
والمسجل مزروف <الله يهدي الي سرقه
واضطر منصور انه يغني بنفسه وكان يغني اغنية * لعزازي <هب النسيم
واتغير الجو وانا وليفي مايداني سمومه <<طن طن طنطنطن طن <<يسوي صوت عود بفمه <<مسوي سيد الأوتار على غفله هههااايي
وبعدين لف على الطريق الزفلت << متى جى هذا ؟؟
وصدم بواحد اممممممممم مين اختار ياربي ؟؟؟
يالله سعود هذا سيارته كشخه <<< سعود وش سيارتك ؟؟
وهو واضح عليه ولد عز << اوخص محد قدك سعود
نزل سعودوعادي عنده مايهمه كان كشخه الثوب ابيض << خخخخخخ
والنعول كشخه
وبعدها نزل منصوروالغبره فيه الثوب اصفر والسروال بعد والنعول مقطوعه بس خايطها << شكل الصابون مخلص من عندهم << تصريفه خخخخخخخ
وكان معصب والله يمسكه عمه ويتوطا ببطنه
سعود : سلامات اخوي صار لك شي
منصور: وش ماتشوف اصمخ انت << ماتجي ههههههه
سعود : وش صاير ماشوف شي فيك ؟؟
<<للعلم ان السيارات خاشات ببعض يعني رايحات في امها
منصور : شوف السياره وش صار فيها والله يذبحني عمي لو شافها تسذا
سعود : طيب عادي صلحها
منصور :بكل سهوووله تقول كذا<<انجرح من الكلمه من وين لي فلووووس ماعندي لووون<<هههه جدي
سعود وهو كاسرن خاطره : خلاص ولايهمك انا اصلحها لك وش قلت ؟؟
منصور: وش رايك بقول لا اكيد بقووول ايه << طماااااااااااااع
سعود : خلاص مافيه مشكله بدق على السطحه وتجي تاخذ سيارتنا ونصلحها
منصور: يووووه عمي وش اقووووله
سعود : عادي قوله ان صار لك حادث
منصور: بلاك ماتدري انا اصلا سارق السياره منه
سعود : ليش ماعندك سياره لك لحالك ؟؟<<< مين قدك ياهوووووه
منصور وهو مستحي : لا ماعندي
سعود طبعآ هو واحد يعيش بمدن كبيره يعني ماتحمل الشمس الي صاكه راسه وداخ واغمى عليه مع انه كان لابس نظاره وكاب بس مايستحمل
اما منصورمو لابس نظاره ومصلع بعد <مو لابس شي على راسه> عادي متعود
منصور : ياربي هذا وش صار له خل اوديه لبيتنا لين يصحى ويتوكل على الله << اجودي
جت السطحه وشالت السيارات وسعود ومنصور
ونزلهم راعي السطحه عند بيت منصور وسعودالا الان مغمى عليه<<اثار الصدمه
منصورشال سعود وحطه بمجلس الرجال <<< قوي
والي ساعده ان سعود زي ماقلتلكم يعيش بالمدن يعني مو مثل منصور يدب بالنعمه ويضرب بالخمس يعني سعود ياكل الوجبات الخفيفه ويروح لنادي وحركات زي تسذا ومنصور مفاطيح وبس
المهم ماعلينا
عمهم مرته متوفيه وماعنده الا بنت اسمها بقايا انسانه وساكنه في البيت الي جنب بيت هذولي لانها تتغطي عن منصور وهي كبر البنات البيت
الي ساكنين فيه وارثينه من جدهم
منصور طلع من المجلس وطلع بالحوش وحوشهم كبير وكان فيه مزرعه وحظيرة اغنام <<<اخوص حظيره
ريم شيخة الحريم كانت تحلب العنز <<< العنز ؟؟؟؟
وغلا أبوهاكانت تركض مع الحاشي <<<قويه الحاشي صوح خلاص بغير مع <الطلي> هلون اسمه صح ؟؟
حيوانها الأليف <<<حشى افلام mbc.3 على غفله
المهم وهي تركض وتركض وتلعب <<< عوبا اختها تحلب وهي تلعب
المهم انها خثعت بحصاه وطاحت وريم تضحك عليها
تسان العنز الي تحلبها صكتها برجلها وماتمسكها الا الارض <<< من قو الضربه الي جتها خخخخ
تحت ومنصور فاطس ضحك عليهن
منصور : ياحريم امشن هنا
وجن كلبوهن وصفن قدام منصور
غلا أبوها:وش بلاك ياخوي عسى ماشر؟؟
منصور:ابد والله بس لي صاحب هنا تصادمنا وانصرع علي ومادري وش اسوي وجبته هنا
ريم بشهقه قويه :لايكون مات ؟؟
منصور: لاياولي لاتفاولين يروح علينا الرجال الحين وابلش انا فيه
غلا:منصورلايكون سويتها مره ثانيه وسرقت السياره وعمي مايدري
منصور:ايه سارقها والله زهقت وقلت افرفر بالسياره
غلا:عاد بهالشموس ؟
ويوم منصوريقول السالفه لأخواته كان سعود طول هالوقت طايح قز في البنات من الدريشه الي تطل على الحوش << اخص يالمنظر عاد
وكان حاضر وسمع كل الي دار بينهم من حتسي
.................................................. ..............
وجت دقات النهايه واسم المخرج << اقصد المخرجه
مع تحيات المخرجه:
*غلا أبوها*
الى اللقاء في الحلقة القادمه
*****************************************
خلاص انتهت المسلسل
*والحين اعلان
*الان يمكنك الحصول على نغمة جوالك من مسلسل غربله
اذا اردت الحصول على رنة ارسل الرقم على الرقم المراد في بلدك
*نغمة دقة البدايه << دقة ؟
*اغنية بصوت منصور<هب النسيم> <<مامن حلا بالصوت << امزح بس علشان ناخذ الرسوم خخخ<<خطيره الأخت
*نغمة دقة النهايه
*************************************
هاه وش رايكم ان شاء الله اعجبتكم
اذا والله شفت تفاعلكم معي انا بكملها واذا شفت محد عطاني وجه بسحبها من القناة وبأعلن اعتزالي عن الأخراج <<< مصدقه الأخت
*ملاحظه : الي حاب يضيف ملاحظات أو افكار جهنميه يقولي من الحين علشان اذا بديت اكتب الحلقه الثانيه ان شاء الله اعرف وش اكتب وما اتلخبط علم .
ثانيا الزعل ممنوع يا أبطال المسلسل