السلام عليكم ..

كلكم او اغلبكم شاهدوا بالامس البرامج الرياضية .. وتصريحات ابراهيم البلوي وخالد المرزوقي وطلعت لامي .

ومن خلال تحليلي ومشاهدتي للبرامج الرياضية بالامس , اعتقد بأنني نجحت في الخروج بعدد من النقاط التالية : (( ملاحظة: اي واحد يقرأ موضوعي هذا ارجوكم يكون شخص يحب الكيان ويهتم لمصلحة الكيان, اما الي يحب الاشخاص على حساب الكيان ,الله يعينه على نفسه)).

1- الاخ المرزوقي "المفلس " يقول : خايف على ابراهيم البلوي لايكون رئيس ويدخل في المتاهات والديون ويتعب عشان كذا ماتمنى يكون رئيس !!!!!!! ياسلام يارئيس اعضاء الشرف , يعني البلوي معاه من 30 الى 40 مليون وتنصحه, اجل انت الي مامعك ولا 10 الاف وش بتقول؟! المرزوقي وادارة الفايز دمرتم الاتحاد ونزلتم من سمعته , تخيلو الالعاب المختلفة مو قادرين يدفعون 20 الف او 30 الف !! اسألكم بالله فيه رئيس اعضاء شرف او ادارة مو قادرة تدفع هذا المبلغ ؟!

اعتقد وبنسبة كبيرة ان الادارة الاتحادية برئاسة الفايز .. !!! اووه صح اسفة غلطانة اقصد برئاسة الجمجوم ... كل ماسأل ليش الفايز مايحضر اجتماعات او تمارين يقولو مشغول ؟ طيب يامهندس لو انت مشغول اجلس في بيتك ولا تمسك الرئاسة , لان النادي مو لعبة عندك !!!!

عموما نكمل موضوعنا .. بالتأكيد وبنسبة كبيرة ان الادارة الاتحادية ومعها المرزوقي دفعوا فلوس للاتحاد ويريديون ارجاع فلوسهم عند توقيع عقود الرعاية مع شركات !! . لذلك لن يستقيلوا !! لن يستقيلوا !! لانهم يبحثون عن مصلحتهم اكثر من مصلحة الاتحاد وطبعا الضحية مين ؟؟ الاتحااد والجمهور.

وفيه شي ثاني خطير وفضيحة يمكن اغلبكم مايعرفها ,, الفايز وجمجوم يقولو ان الفلوس الي دفعوها اتسلفوها من البنك ومن رجال اعمال ولازم يرجعونها ..!! طبعا من المفترض اي رئيس للنادي يدفع فلوس ماترجع له لو هو كان اتحادي ومحب ومخلص للكيان , مثل المحترم اللواء محمد بن داخل الجهني , اللواء بن داخل لم يوفق في ادارة الاتحاد نعم صحيح لكن رجل تهمه مصلحة الاتحاد , كيف ؟ انا اعلمكم .. لما جاء الفايز لمحمد بن داخل وقاله انت استقيل لان اعضاء الشرف مايبون ادارتك , واذا تحب الاتحاد استقيل واحنا نمسك الرئاسة !! طبعا بن داخل كالاســد قال خلاص سأستقيل عشان الاتحاد وجمهوره وقدم استقالته. هنا يبان المعدن الاصيل للشخص.

2- ادارة الفايز والجمجوم " المفلسة " والداعم " المفلس " لهم خالد المرزوقي .. لايريدون ابراهيم البلوي يمسك الرئاسة .. طبعا البلوي بالامس قال عنده مابين 30 مليون الى 40 مليون ( اذا كان صادق) .. طيب انتم يادارة ماعندكم حتى 100 الف ريال تدفعوها للالعاب المختلفة ؟؟! خلاص استقيلوا وعيب عليكم .. ولاتدورون اعذار للبلوي لان الرجل يبغى الرئاسة ومعه فلوس.

3- ابراهيم البلوي , لو كان جاد للرئاسة ويريد الرئاسة صدقوني بيسوي كل شي عشان يكون رئيس , لكن اذا كان كلام ويبحث عن الفلاشات فقط , راح اقوله " حسبي الله ونعم الوكيل فيك " لانك خدعت الجمهور وتلعب عليهم وانت تستفيد وتشتهر اكثر والناس تعرفك اكثر . سؤال: ابراهيم البلوي قبل سنة قال انه بيكون الرئيس ويتقدم للرئاسة والجمهور يمدحو فيه وقالوا خلاص هو الرئيس وفي الجمعية العمومية انسحب؟؟! يعني تخدع الجمهور وتضحك عليهم أو تبحث عن فلاشات ؟؟! :::03:::

الان في الوقت الحالي الكرة في ملعب البلوي , لان الادارة مستعدة للاستقالة , بس يبون البلوي يضغط عليهم اكثر ويكلم اعضاء الشرف الكبار من اجل ان تستقيل الادارة .

طبعا اغلبكم يعلم ان عقود الرعاية للشركات اذا اتفقوا مع راعي من الممكن توقيعها بعد شهرين او 3 أشهر .. لذلك اتوقع والعلم عند الله ان ابراهيم البلوي في الفترة السابقة لايريد رئاسة الاتحاد لان مافي عقود رعاية .. وبعد كم شهر بتوجد الرعاية من الشركات. العبها صح يابراهيم :::03:::

عموما .. من مصلحة الاتحاد وبكل أمانة ان يكون الرئيس هو ابراهيم البلوي لماذا ؟؟ انا اعلمكم اول شي يملك مابين 30الى 40 مليون ( على حد قوله) وهاذي بتساهم بنسبة 40% في حل الديون , ثاني شي هو شقيق او قريب لسلطان البلوي وكيل الاعمال الذي يطالب الاتحاد ب 15 مليون او 18 مليون , يعني ممكن يوافق سلطان على تسلم نصف من مستحقاته ولا يطالب بالنصف الاخر !! لانه قريب له او شقيق له .

للامانة ادارة الفايز ماقصرت عملت عمل كبير .. والدليل احرزت كاس الملك للابطال والكل لم يكن يتوقع .. شوفو نادي النصر له 7 سنوات وهم يدفعون الملايين من اجل بطولة ولي العهد او كاس الملك ولم يفوزوا بها , طبعا لا أريد التشبيه لكن هذا الواقع !!

لكن ادارة مو قادرة تصرف على الالعاب المختلفة 30 الف او 50 الف او حتى 100 الف !! فضيحة :y :o

بالعربي الفصيح ::: ادارة الفايز تحارب من اجل البقاء في رئاسة النادي لكي تتمكن من توقيع عقود الرعاية مع الشركات واسترجاع اموالها , وابراهيم البلوي ايضا يبحث عن عقود الرعاية لكن عالاقل معاه 40 مليون, احسن من الي مفلس!! هذا اذا كان البلوي جاد بالرئاسة مع اني اتوقع بأنه يريد الفلاشات وسينسحب ويدور اعذار !! كالعادة للاسف !! :p

والضحية هو الجمهور والنادي والكيان .

وشكرا لقرائتكم الموضوع ويعلم الله بأن مصلحة الاتحاد " الكيان " تهمني , ولاتهمني مصلحة الاشخاص .. !!